ءومىردىڭ ءوزى ايقىنداپ بەردى

1996 جىلى پرەزيدەنت جارلىعىمەن 1 مامىر ەلىمىزدە قازاقستان حالقىنىڭ بىرلىگى كۇنى مەرەكەسى دەپ اتالاتىن بولدى. كوكتەم مەرەكەسىن ەرەكشە اتاپ ءوتۋ, جىلى جۇزبەن كوشەدە كەزدەسۋ, دوستارىڭمەن بىرگە بولۋ سياقتى كەڭەستىك كەزەڭنەن باستاۋ الاتىن يگى ءداستۇر تاۋەلسىزدىگىن العان ەلىمىز ءۇشىن دە ءوزىنىڭ ماڭىزىن جويعان جوق. ءبىز كوپەتنوستى بولساق تا, جەر مەن ەل ور­تاق, ويىمىز ءبىر جەردەن شىعىپ وتىر. مەرە­كە كەزىندە ەل تۇرعىندارى كەزدەسكەن كەزدە ولار ءبىر-ءبىرىن قۇتتىقتاپ قانا قويماي, وتبا­سىنا, ەلىنە جانە جەرىنە دەگەن سۇيىسپەنشى­لىگىن دە پاش ەتەدى. قىسقاسى, 1 مامىر – حا­لىقتىڭ باسىن قوساتىن, ءار ءتۇرلى فەستيۆال­دەرمەن, ءان جانە بيمەن كومكەرىلگەن ەرەكشە مەرەكە. وسكەمەن قالاسى اكىمىنىڭ ورىنباسا­رى بولعان كەزىمدە ەرەكشە تەبىرەنىسپەن وسى مەرەكەنى اتاپ وتۋگە دايىندالاتىنمىن. ويتكەنى, بۇل – ەلدىڭ ەرەكشە اسپەتتەيتىن مەرەكەسى. ەلىمىزدەگى ءار ەتنوستىڭ ءانى مەن سازى, مىڭ بۇرالعان ءبيى ۇيلەسىمدىلىك تاۋىپ, كەلىسىم مەن بەيبىت ومىرگە ۇندەيدى. وسى جەردە ەلباسىنىڭ ەل حالقىنىڭ جاي-كۇيىن سەزىنە الاتىن ەرەكشە قاسيەتى بارلىعىن دا تىلگە تيەك ەتكىم كەلەدى. مەرەكەنىڭ قازاقستان حال­قى­نىڭ بىرلىگى مەرەكەسى كۇنى دەپ اتالۋىنىڭ ءوزى حالىقتىڭ كوڭىل-كۇيىن  ءدوپ سەزىنە ءبىلۋ دەپ تۇسىنگەن ءجون. مەملەكەت ءوزارا سەنىم مەن قۇرمەتكە لايىق ءومىر ءسۇرۋدى قامتاماسىز ەتە بىلسە, سول سەنىمنەن شىعۋدى سەنەن دە كۇتەدى. ەلىمىزدە قازاقستان حالقى اسسامبلەياسى مەملەكەت باسشىسىنىڭ كورەگەندىگىنىڭ, الىستى بولجاي الاتىنىنىڭ ارقاسىندا جۇزەگە استى. اسسامبلەيا بارلىق ەتنوستىڭ فيلوسو­فيالىق ءومىرىنىڭ اعىسى ىسپەتتى. ەتنوسارالىق قارىم-قاتىناستار ينستيتۋتى ءبىر-ءبىرىڭدى سىيلاۋعا, ءوزارا تۇسىنىسۋگە  عانا ەمەس, سونى­مەن قاتار, ءاربىر ەتنوس پەن جەكە ادامنىڭ ىشكى جاندۇنيەسىن تانۋعا دا ۇيرەتەدى. ورتاق ىستە ءبىر-بىرىمىزگە كەشىرىممەن قاراۋعا, ءارى-بەرىدەن سوڭ ءبىر-ءبىرىمىزدى قۇرمەتتەۋگە شاقىرادى. ياعني, قوعامداعى ادامدار قارىم-قاتىناسىنىڭ ۇيلەسىمدىلىگىنە ۇندەيدى. ولاي بولسا, اسسامبلەيا ەتنوسارالىق قارىم-قاتىناستاردىڭ دامۋىنا, حالىقتىڭ بىرلىگىن ساقتاۋعا ەرەكشە ۇلەس قوسىپ كەلەدى دەپ تولىق سەنىممەن ايتۋعا بولادى. ەتنوسارالىق قارىم-قاتىناستاردى تەرەڭدەتۋ تەك كيىم كيىپ, ءان ايتۋ عانا ەمەس, ول قازىرگى زامانعى مەملەكەتتىلىكتى قۇرۋ دا بولىپ تابىلادى. مەملەكەتتىلىكتى قالىپتاستىرۋ جاستاردىڭ اعا ۇرپاققا قالاي قارايتىندىعىمەن دە انىقتالادى. جاستار وتباسىلىق, مەملەكەتتىك داستۇرلەر ارقىلى قازاقستاندا ءوزىنىڭ ورنىن تابۋعا ۇمتىلۋى ءتيىس. بۇل – وتە ماڭىزدى. جۇرگىزىلىپ جاتقان رەفورمالاردىڭ جەتىس­تىگى تۋرالى كوپ ايتامىز. بىلاي قاراساڭىز, سول رەفورمالار حالىقتىڭ جاعدايىن جاقسار­تۋعا باعىتتالعان. ءال-اۋقاتتىڭ جاقسارۋى ماعان بەرە قال ەمەس, مەن مەملەكەتتىڭ وركەن­دەۋىنە نەندەي ۇلەس قوسا الامىن دەگەن پايىمنان تۋىنداعانى ءجون. تاعى ءبىر ايتا كەتەرلىگى, مەملەكەت باسشىسى مەملەكەتتىك ءتىلدىڭ ماڭىزىن اشىپ كورسەتتى. مەملەكەتتىك ءانۇران مەن مەملەكەتتىك تۋ سياقتى مەملە­كەتتىك تىلدە ەلىمىزدىڭ سيمۆولى بولىپ تابىلا­دى. تىلدەردىڭ “ۇشتۇعىرلىعىن” ۇستانىپ كەلە جاتقان بىزدەردى الەمدە وركەنيەت كوشىندەگى ەلدەر ساناتىندا قابىلدايدى. جاستاردىڭ كوپ ءتىل ءبىلۋى مەنى قۋانتاتىنى دا راس. مەملە­كەتتىك ءتىل كەرەك پە دەپ قازىر ەشكىم تالقىلامايدى, ويتكەنى, ول ءبىزدىڭ ءومىرىمىزدىڭ مانىنە اينالىپ ۇلگەردى. ءومىردىڭ ءوزى ءبىزدىڭ وسى ءتىلدى ۇستاناتىنىمىزدى ايقىنداپ بەردى. كەز كەلگەن ءتىلدى ءبىلۋ – ۇلكەن بايلىق. سۆەتلانا فەرحو, ءماجىلىس دەپۋتاتى.