بۇعان دەيىن اتالعان ءىس قر قىلمىستىق كودەكسىنىڭ 99-بابى, 1-بولىگى (كىسى ءولتىرۋ) بويىنشا قارالعان بولاتىن. بۇل باپ 8 جىلدان 15 جىلعا دەيىنگى تۇرمە جازاسىن كوزدەيدى. ءىستىڭ «اسا قاتىگەزدىكپەن كىسى ءولتىرۋ» بابى بويىنشا قايتا سارالانۋى كۇدىكتىگە بەرىلەتىن جازانى ايتارلىقتاي اۋىرلاتادى: ەندى ونى 15 جىلدان 20 جىلعا دەيىن باس بوستاندىعىنان ايىرۋ نەمەسە ءومىر بويىنا تۇرمەگە كەسۋ جازاسى كۇتىپ تۇر.
ادۆوكاتتىڭ ايتۋىنشا, ءىس بويىنشا باپتىڭ وزگەرۋى جابىرلەنۋشى تاراپتىڭ تاباندى جۇمىسى مەن ادىلدىككە قول جەتكىزۋگە تالپىنىسىنىڭ ناتيجەسى بولدى.
«بۇل – ادىلدىككە جەتۋ جولىنداعى اتقارىلعان جۇمىستىڭ قورىتىندىسى», دەدى ايانحان وماروۆ.
سونداي-اق ادۆوكات شىمكەنت قالالىق پوليتسيا دەپارتامەنتىنىڭ تەرگەۋ جۇمىسى بويىنشا جاڭا تاعايىندالعان ورىنباسارى ەرەجەپوۆ پەن تەرگەۋ باسقارماسىنىڭ باسشىسى قۇلماحانعا ءىستى ءفورماليزمسىز, جان-جاقتى قاراعانى ءۇشىن ريزاشىلىعىن ءبىلدىردى.
جابىرلەنۋشى تاراپتىڭ مالىمەتى بويىنشا, كۇدىكتى نۇرايعا قىسىم كورسەتكەن. قىز نەكەلەسۋدەن باس تارتقان سوڭ, كۇدىكتى ونى قۋدالاپ, كەيىن ەرەكشە قاتىگەزدىكپەن ولتىرگەن. وسى جاعدايدان كەيىن شىمكەنت قالالىق پوليتسيا دەپارتامەنتىنىڭ باسشىسى نۇرلان الماسبەكوۆ پەن ونىڭ ءبىرىنشى ورىنباسارى قۇرمانبەك ساحوۆ قىزمەتىنەن بوساتىلدى.
پرەزيدەنت تە جاعدايعا نازار اۋدارىپ, قۇقىق قورعاۋ ورگاندارىنىڭ ارەكەتتەرىنە ءپرينتسيپتى باعا بەرۋ قاجەتتىگىن ايتتى جانە تەرگەۋدىڭ ءادىل جۇرگىزىلۋىن قامتاماسىز ەتۋدى تاپسىردى.
