توڭكەرىس جەتەكشىسى جانە ەلدىڭ ارنايى كۇشتەرىنىڭ باستىعى, پولكوۆنيك مامادي دۋمبۋيا جەكسەنبىدە شتاتتىق ترانسلياتسيالاردا ەلدىڭ كونستيتۋتسياسى توقتاتىلعانىن, ۇكىمەت تاراتىلعانىن جانە شەكارالار جابىلعانىن, ەلدە كومەندانتتىق ساعات ەنگىزىلگەنىن حابارلادى.
دۋمبۋيانىڭ ايتۋىنشا, بارلىق ساياسي تۇتقىن بوساتىلعان. سونداي-اق بيلىك 18 اي ىشىندە ۋاقىتشا ۇكىمەتكە بەرىلەدى. وسىلايشا, 11 جىل بويى ەل باسقارعان 83 جاستاعى پرەزيدەنت بيلىكتەن كەتتى.
«ەگەر ەليتا حالىقتىڭ پىكىرىن ەسكەرىپ, جاعدايىن جاساماسا, وندا حالىققا بوستاندىق اپەرۋ اسكەردىڭ قولىندا», دەدى دۋمبۋيا.
تولقۋلار باستالعاننان كەيىن پرەزيدەنت قايتا كورىنگەن جوق. بىراق الەۋمەتتىك جەلىلەردە تارالعان سۋرەتتەر مەن كادرلاردا جالاڭاياق, دجينسى شالبار مەن جارتىلاي اشىق كويلەك كيگەن ونىڭ ديۆانعا سۇيەنىپ تۇرعانى, اسكەرلەردىڭ قورشاپ العانى كورىنەدى.
دۋمبۋيا پرەزيدەنتتىڭ جانە باسقا دا جوعارى لاۋازىمدى شەنەۋنىكتەردىڭ قاماۋعا الىنعانىن حابارلادى. سونداي-اق ول مينيسترلەر مەن مەكەمە باسشىلارىن كەزدەسۋگە شاقىرىپ, كەلمەگەندەرگە جازا قولدانىلاتىنىن ەسكەرتتى.
