نۇر-سۇلتانداعى «استانا ارەنادا» وتكەن ماتچتى ءبىزدىڭ جىگىتتەر جاپ-جاقسى باستاعان ەدى. ازۋلى قارسىلاسىنىڭ ەكىپىندى شابۋىلىنا تويتارىس بەرىپ قانا قويماي, ارا-تۇرا وزدەرى دە قاۋىپتى جاعداي تۋدىردى. بىراق باسەكەنىڭ 78-مينۋتىندا قوناقتار كوزدەگەن ماقساتتارىنا قول جەتكىزدى. بۇل گولدىڭ اۆتورى – ۆيليام ۆيك. ول ازداي, كەزدەسۋدىڭ سوڭىنا قاراي ەكىنشى رەت سارى قاعاز العانى ءۇشىن ساعي سوۆەت الاڭنان قۋىلدى. ءسويتىپ, بۇل ويىندا جەرلەستەرىمىز 0:1 ەسەبىمەن جەڭىلىس تاپتى.
ىرىكتەۋ ءتۋرنيرىنىڭ ەكىنشى تۋرىنان كەيىن بۇل توپتا بەلگيا جەكە-دارا كوش باستاپ تۇر. ەكى كەزدەسۋدەن كەيىن ولار 6 ۇپايدى ولجالاۋدا. ەكىنشى ورىندا – دانيا. ولاردىڭ ەنشىسىندە – 3 ۇپاي.
