«ينۆەستورلار ءۇشىن ەلوردامىزدىڭ تارتىمدىلىعى جىل سايىن ارتىپ كەلەدى. بىلتىر پاندەمياعا قاراماستان ينۆەستيتسيا كولەمىن ارتتىرا الدىق. جەكە ينۆەستيتسيالاردى قالا مەن تۇرعىندارعا قاجەت جوبالاردىڭ قۇرىلىسىنا جۇمسايمىز. ماسەلەن, وتكەن جىلى قالاعا رەكوردتىق – 1 تريلليون تەڭگەدەن استام ينۆەستيتسيا تارتتىق. ال بيىل 7 ايداعى ينۆەستيتسيا كولەمى – 504 ملرد تەڭگەدەن اسادى, بىلتىرعى كەزەڭمەن سالىستىرعاندا ءوسىم 9%-دى قۇرايدى», دەدى التاي كولگىنوۆ
نۇر-سۇلتاندا ينۆەستيتسيا تارتۋ بويىنشا ينۆەستيتسيالىق كەڭەستەر وتكىزۋ جۇيەلىك نەگىزگە اۋىسقان. سونىمەن قاتار, Astana Invest ينۆەستيتسيا تارتۋ بويىنشا وڭىرلىك فرونت-وفيس جۇمىس ىستەيدى, وندا ينۆەستورلاردى ء«بىر تەرەزە» قاعيداتى بويىنشا, ونىڭ ىشىندە مەملەكەتتىك قىزمەت كورسەتۋ راسىمدەرىنەن ءوتۋ كەزىندە تولىق سۇيەمەلدەۋ جۇزەگە اسىرىلادى. وسى ۋاقىت ىشىندە 18 مىڭنان استام جۇمىس ورنىن قۇراعان 150-دەن استام جوبا قولداۋ تاپتى. بۇل – مەديتسينا, ءبىلىم بەرۋ, لوگيستيكا, ساۋدا, ونەركاسىپ, سپورت, ەلەكتر ەنەرگياسى جانە ت.ب. سالالارداعى جوبالار.
سونداي-اق, تارتىلعان ينۆەستيتسيالار ەسەبىنەن جىلىنا جالپى قۋاتى 10 مىڭ توننا بولاتىن 3 كوتەرمە-تاراتۋ ورتالىعى مەن ەكى جىلىجاي كەشەنىنىڭ قۇرىلىسىن جۇرگىزىپ جاتىرمىز. قۇرىلىستى اياقتاۋ 2022-2023 جىلدارعا جوسپارلانعان. سونىمەن قاتار, جىلىنا 5 مىڭ توننا نان-توقاش شىعاراتىن كومبينات سالۋ بويىنشا ينۆەستيتسيالىق جوبا ىسكە اسىرىلۋدا. پايدالانۋعا بەرۋ مەرزىمى وسى جىلدىڭ سوڭىنا جوسپارلانعان.
«6 مىڭ تونناعا دەيىن كوكونىس ساقتايتىن قويما سالۋ ءۇشىن ينۆەستورلار تارتىلدى. كەلەسى جىلى پايدالانۋعا بەرۋدى جوسپارلاپ وتىرمىز. وڭىرلىك ينۆەستيتسيالىق كەڭەس اياسىندا جالپى قۇنى 2,6 ملرد تەڭگە بولاتىن وندىرىستىك-تاماق كەشەنىنىڭ قۇرىلىسىن دا قولدادىق. جوبانىڭ قۋاتتىلىعى: ءسۇت وڭدەۋ زاۋىتى – تاۋلىگىنە 100 000 توننا; نان-توقاش كومبيناتى – تاۋلىگىنە 25 توننا, كوكونىس قويماسى – 6000 توننا», دەپ جازدى التاي كولگىنوۆ.
