ەلدىك داستۇرلەرگە ادالدىق – باۋىرلاستىقتىڭ قاينار بۇلاعى

تۇركىستان اۋدانىنداعى يقان اۋىلىنىڭ اكىمى, تۇركىستان ايماقتىق وزبەك ەتنو­مادەني بىرلەستىگىنىڭ ءتور­اعا­سى دانىش مانناتوۆپەن اڭگىمەدە ءبۇ­گىنگى وزبەك باۋىرلاردىڭ شات-شادىمان تىنىس-تىرشىلىگى جونىندە ءسوز بولادى. – دانىش اكا, ءسىزدىڭ يقان اۋى­لىنىڭ اكىمى, تۇركىستانداعى وزبەك مادەني ورتالىعىنىڭ توراعاسى رەتىندە اتقارىپ جۇرگەن ازاماتتىق ىستەرىڭىزدى سىرتتاي ەستىپ جاتامىز. جۋرناليست رەتىندە وزىڭىزبەن اڭگىمەلەسسەك دەگەن وي بار ەدى. سونىڭ رەتى بۇگىن تۇسكەن سياقتى. – يقان اۋىلى ەجەلدەن-اق ەگىنشىلىكپەن, باۋ-باقشا, ماقتا وسىرۋمەن اينالىساتىن قۇت­تى مەكەن عوي. قاي جەردە بولسا دا ديقانداردى تولعاندىراتىن وزەكتى پروبلەمالار, شەشۋىن كۇتەتىن قات-قابات شارۋالار از بولمايدى. وسىن­­داي ماسەلەلەر اۋىلىمىزدا دا كەزدەسىپ وتى­رادى. بۇرىننان مازا بەرمەي جۇرگەن ۇسىنىس-ءپى­كىرلەرىمىزبەن اۋىل شارۋاشىلىعى ۆيتسە-ءمينيسترىنىڭ قابىل­داۋ­ىن­دا بولدىم. شارۋانىڭ ىعىن جاقسى تۇسىنەتىن, جانى جومارت, كەڭپەيىل ازامات ەكەن. جىلى قابىلداي وتى­رىپ, ۇسىنىستارىما كوڭىل ءبولدى. بارلىق ماسەلەلەرىمىزدى باس-اياعى جيىرما مينوتتە شەشىپ بەردى. ول كىسىنىڭ وسىنشا­لىق­تى ءىلتيپات-ىقى­لاسىنا ريزا بولدىم. العى­سىم­دى ايتىپ, شىعۋعا وقتالعانىمدا مەنى توقتاتتى. “دانىش اعا, – دەدى مينيستر­دىڭ ورىنباسارى, – ءسىز – شارۋا ادا­مىسىز. باي تاجىريبەڭىز بار. بىرەر ماسەلە جونىندە وزىڭىزبەن اقىلداسساق دەپ ەدىك”. وسىدان كەيىن كومەكشىسىنە ءبولىم مەڭگەرۋ­شى­­لەرىن كابينەتىنە تەز ارادا جيناۋعا تاپسىر­ما بەردى. سونىمەن, مينيستر ورىنباسارى­نىڭ كابينەتىندەگى بۇل باسقوسۋ ءبىر سا­عاتتان استام ۋاقىتقا سوزىلدى. باس­تاپقىدا اڭگىمەنىڭ نەگىزى ەگىس القاپتارىن تامشىلاتىپ سۋارۋ ءما­سەلەسى جونىندە بولدى. قازىر مي­نيسترلىك تاراپىنان بۇل پروب­لە­ماعا باسا نازار اۋدارىلىپ وتىر­عا­نى بارشامىزعا بەلگىلى. مامان­دار ديقان رەتىندەگى مەنىڭ پىكىر-ۇسىنىسىمدى سۇرادى, بۇكپەسىز اشىق ايتۋدى ءوتىندى. سونداي-اق وسى باسقوسۋدا باۋ-باقشا ءوسىرۋ­شى­لەر­گە مەملەكەت تاراپىنان سۋبسيديا بەرۋ, كوپ­جىلدىق جەمىس-جيدەك داقىلدارى مەن ءجۇ­زىم­دىكتەر ءوسىرۋدى جۇزەگە اسىرۋ, ونى بيۋدجەتتىك باعدارلاما بويىنشا قارجىلاندىرۋ ماسەلە­لە­رى دە كەڭىنەن ءسوز بولدى. وسى تۇر­عىدا مەن دە ءوز ۇسىنىس-وي­لا­رىمدى ايتتىم. باۋ-باقشا وسىرۋشىلەرگە سۋبسي­ديا بەرۋدە قويىلاتىن تالاپ بارشامىزدىڭ كو­كەيى­مىزدەن شىعىپ وتىر. مۇنىڭ كولەمى باۋ-با­قشا­نىڭ اۋماعىنا باي­لانىستى بولماق, ياعني ول شا­رۋاشىلىقتاردا ون گەكتاردان كەم بولماۋى ءتيىس. ال ەندى وزىمىزگە كەلەتىن بولساق, يقاندىق­تار تەك سوڭعى ءۇش جىلدىڭ وزىندە 1500 گەكتارعا باۋ-باقشا ءوسىردى. مۇنىڭ نەگىزى جەمىس اعاش­تارى, جۇزىمدىك القاپتار. ءبىز ءوزىمىز ءۇش اعاي­ىن­دىمىز. سوڭعى جىلدارى باۋ-باعىمىزدىڭ كولەمى 450 گەكتارعا جەتتى. ۇكىمەت تاراپىنان بىزدەرگە جاسالىپ وتىرعان قامقورلىق جونىندە ايتار بولساق, جۇرەگىمىز قۋانىش-شاتتىققا ءبو­لەنەدى. – وتكەن جىلى كۇزدە تۇركىستان ايماعىن­داعى وزبەك ەتنومادەني ءبىر­لەستىگىنىڭ توراعاسى بولىپ سايلان­عا­نىڭىزدى بىلەمىز. اتالمىش ءبىر­لەستىكتىڭ الدىندا تۇرعان مىندەتتەر تۇرعى­سىن­دا تاراتىپ ايتۋدىڭ رەتى كەلىپ تۇرعان سياقتى. – وزبەك ەتنومادەني بىرلەستىگى اتقارۋعا ءتيىس جۇمىس اۋقىمى اسا كەڭ. تۇركىستان قالاسى مەن ونىڭ توڭىرەگىندەگى ەلدى مەكەندەردە, ءوزى­مىز­دىڭ يقان اۋىلىندا تۇراتىن وزبەكتەردىڭ اتا-بابالارى بۇل ايماقتارعا ەجەلدەن قونىس­تانعان بايىرعى تۇرعىنداردان سانالادى. ۇلت­تىق ادەت-عۇرىپ, سالت-ءداستۇر ساباقتاستىعى قاي ەتنوستىڭ بول­سا دا ەڭ باستى قۇندىلىقتارى بو­لىپ ەسەپ­تەلەدى عوي. بىرلەستىكتىڭ نەگىزگى ۇستا­نىمدارىنىڭ قاتارىنا اتادان بالاعا ميراس بولىپ كەلە جاتقان وسى ساباقتاستىقتى وركەن جايدىرا ءتۇسۋ سياقتى جايتتەر بار. بۇعان تۋ­عان ەلىمىزدە مول ءمۇم­كىندىك­تەر جا­سا­لىپ وتىر­عانىن ريزاشىلىق سە­زىم­مەن قولىمىزدى ءجۇ­رە­گىمىزگە قوي­ىپ تۇرىپ ماقتانىشپەن ايتامىز. ەلباسىمىز نۇرسۇلتان نازار­باەۆ­تىڭ باسشى­لى­عىمەن ون سەگىز جىل ىشىندە ەلىمىز قول جەت­­كىزگەن اۋىز تولتىرىپ ايتاتىنداي جەتىس­تىك­تەردى تىلگە تيەك ەتكەندە وتكەن جىلداردى ەسكە تۇسىرمەي تۇرا المايسىڭ. ەلباسىنىڭ سىن­دارلى دا سالي­قالى ساياساتىنىڭ ارقا­سىن­دا ەلىمىزدە تىنىشتىق پەن تاتۋلىق ورناپ وتىر. تاۋەلسىز قازاقستاندى بۇكىل الەم تانىپ, موي­ىن­داۋدا, ەلىمىزدىڭ ەقىۇ-عا توراعالىق ەتۋى سونىڭ جارقىن دالەلى بولسا كەرەك. ءدال وسىنداي ەلدە تۇرىپ, ءۇرىم-بۇتا­عىمىزدى وركەن جايدىرىپ وتىرعان بىزدەر, وزبەكتەر باقىت­تى­مىز. پرەزيدەنتتىڭ ىشكى-سىرتقى ساياساتىن ماقۇلداپ قانا قويماي, ىنتىماقپەن سوڭىنان ەرگەن قا­زاق­ستان حالقىنىڭ الدىڭعى سا­پىن­دا جۇرگەنىمىزدى ءاردايىم ماقتان ەتەمىز. بۇعان تولىق قۇقىعىمىز بار. قازىر ءبىزدىڭ ۇستا­نىپ وتىرعان تەمىرقازىعىمىز – “ەل بىرلىگى دوك­تريناسى”. وندا “قازاق ءتىلىن مەك­تەپكە دەيىنگى مە­كە­مەلەردە, مەك­تەپ­تەر مەن جوعارى وقۋ ورىندارىندا وقى­تۋ ساپاسىن جاقسارتۋ” كەرەگى, سونداي-اق “قا­زاقستان ەتنوستارى­نىڭ مادەنيەتىن ءارى قاراي ءوزارا بايىتۋ” ماسەلەسى باسا ايتىلعان. قا­لاي دەسەك تە بۇل قۇجات قا­زاق­ستان­دا تۇراتىن قازاق حالقى مەن وزگە ەت­نوس­تاردىڭ ءوزارا قانداي نەگىزدەردى باسشى­لىق­قا الۋ ارقىلى تاتۋ تۇرۋى ءتيىس ەكەنىن جان-جاقتى قاراستىرعان. ءدال سون­دىقتان دا دوك­ترينادا العا قويىل­عان مىندەت­تەردى كۇندەلىكتى ىسىمىزدە باسشى­لىق­قا الىپ وتىرۋ ءبىزدىڭ باستى پارىزىمىز بولىپ تا­بىلادى. – دانىش اكا, ەندى ەتنومادەني بىرلەستىكتىڭ ءتىل ماسەلەسى توڭىرەگىندە قولعا الىپ وتىرعان شارالارى جونىندە حاباردار ەتە كەتسەڭىز. – ءبىزدىڭ ءبىر شاڭىراق استىندا تاتۋ-ءتاتتى ءومىر ءسۇرۋىمىز قازاق حالقىنىڭ كەڭ پەيىلى مەن قو­ناق­جاي­لىلىعىنىڭ, دارقان جۇرەگىنىڭ ارقاسىندا ەكەنىن حالقىمىز جاقسى تۇسىنەدى. ەلىمىز تاۋەل­سىزدىك العالى اتقارىلعان تىندىرىمدى تىرلىكتەر ناتيجەسىندە كوپتەگەن جەرگىلىكتى ۇلت وكىلدەرىنىڭ مەملەكەتتىك ءتىلدى ۇيرەنۋگە دەگەن قۇلشىنىسى ارتا تۇسكەن. قازاق ءتىلىن جەتە مەڭگەرگەن اتا-انالار بالالارىنىڭ دا بۇل ءتىلدى تەرەڭ ۇيرەنۋلەرىنە بارىنشا دەن قويۋدا. جوعارىدا ايتقانىم­داي, جالپى ءتۇر­كىس­تان ايماعىندا, ءوز اۋىلىمىزدا قازاق ءتىلىن­دە ءسوي­لەي المايتىندار جوقتىڭ قاسى دەسەم, ءسىرا دا قاتەلەسە قويماسپىن. ءيا, يقان اۋىلى­نىڭ تۇرعىندارى مەملەكەتتىك ءتىلدىڭ مەرەيىن سوزىمەن ەمەس, ناقتى ىسىمەن اسقاقتاتۋعا بار ىنتا-جىگەرلەرىن جۇمساۋدا. ءبىزدىڭ باستاما­مىز­بەن وسىدان ءتورت جا­رىم جىل بۇرىن “يقان” وزبەك ورتا مەكتەبىندە العاشقى قازاق سى­نى­بى اشىلعان بولاتىن. سودان بەرگى ۋاقىتتا جىل سايىن ءبىر سى­نىپتى قازاقشا وقىتۋ ءداس­تۇر­گە اي­نالىپ كەلەدى. العاشقى سىنىپتاعى بالالاردىڭ جەتىس­تى­گىنە كوزدەرى جەتكەن اتا-انا­لار بۇعان وزدەرى-اق قۇل­شىنىس تانىتۋدا. سونىڭ اي­قىن دالەلى سىنىپتارداعى وقۋشى­لار سانى­نىڭ ارتا ءتۇسۋى بولىپ وتىر. ەلىمىزدەگى ءۇش تۇعىرلى ءتىل سايا­ساتىنا بايلانىستى بىرقاتار وزبەك مەكتەپتەرىندە ءۇش تىلدە وقىتۋ جۇيە­سىن جانداندىرا ءتۇسۋ ماسەلەسى قولعا الىنۋدا. ايتالىق, تۇركىس­تان­داعى حامزا اتىنداعى وزبەك ورتا مەكتە­بىن­دە قازاق, ورىس, اعىلشىن ءتىل­دە­رىن تەرەڭدەتىپ وقى­تۋ جۇيەسى جۇمىس ىستەۋدە. بەسىنشى, ال­تىن­شى سىنىپتار­دان باستاپ قو­سىم­شا ساباقتار جۇيەلى تۇردە جۇرگىزىلۋدە. مۇعالىمدەرگە 15-20 پايىز ۇستەمە اقى تولەندى. مۇن­داي ماتەريالدىق ىنتالان­دى­رۋ مۇعا­لىم­دەردىڭ جىگەرىن جانىپ, ولار وسىناۋ يگى­لىكتى ىستەردىڭ كەڭ ءورىس الۋىنا بار قاجىر-قايراتتارى مەن جان جىلۋلارىن جۇمساۋدا. – ەتنومادەني بىرلەستىكتىڭ اۋقىمى كەڭ ەكەندىگىنە كوزىمىز جەتىپ وتىر. بىرقاتار شارالاردى اتقارۋ بارىسىندا ماسەلەنىڭ قارجىعا تىرەلەرى انىق. ال ەندى وسى قارجىنى قايدان, قالاي تاباسىزدار؟ – ورىندى سۇراق. بىزگە بيۋد­ج­ەتتەن قارجى بولىنبەيدى. ونىڭ كوزىن ءوزىمىز تابۋىمىز كە­رەك. جا­سىراتىنى جوق, ءبىر­قا­تار داۋلەتتى كىسى­لەر, اتا-انا­لار بار. ولار ەل يگى­لىگى جولىن­دا­عى ورتاق ىسكە كوز­دەرى جەتىپ وتىرعاندىقتان, ايانىپ قالمايدى. ءسوز رەتى كەلگەندە ايتا كەتەيىن, وسى ءوزىمىز تۋىپ-وسكەن يقاندا ەرتە­رەك­تە سايتمۇرات دەگەن بابا­مىز وتكەن. ءوزى ەل بيلەگەن, بولىس بولعان. يماندى­لىعىمەن اتى شىققان. جەتىم-جەسىرلەرگە, كا­رىپ, ءمۇساپىر­لەر­گە, مۇگەدەك, جا­رىمجاندارعا قام­قورلىق-كومەگىن ەش اياماعان. اكەسى مەن ءوزىنىڭ بار بايلىعىن حالىقتىڭ يگىلىگىنە جا­را­تۋ­مەن داڭ­قى اسقاقتاعان. قو­لىن­دا بايلىعى بار­لاردان وسىنداي يماندىلىقتى تالاپ ەتكەن, باي­لىعىن جاسىرىپ, كومەك بەرۋدەن قاشقاقتا­عان­داردى كىنالارىن موي­نىنا قويىپ, حالىق الدىن­دا جا­زالاعان, ءتىپتى اعاشقا بايلاپ قوي­عان, دۇرە سوقتىرعان. قازىر يقان اۋىلىندا سايتمۇرات بابامىزعا ورناتىلعان ەسكەرتكىش بار. وسى بابا ەسكەرتكىشى كىم-كىمدى بولسا دا تاۋبەسىنە كەلتىرىپ تۇرعانداي. مۇنى حالقىمىز جاقسى تۇسىنەدى... سونداي-اق, اۋىلىمىزدا بارلىق ءسان-سالتاناتىمەن ۇلكەن مەشىت بوي كوتەردى. ونى ەلىمىزدىڭ باس ءمۇفتيى ءابساتتار قاجى دەربىسالى ارنايى كەلىپ, اشىپ بەردى. وتكەن جىلدىڭ جەلتوقسان ايىندا تۇركىستانداعى وزبەك ەتنو­مادەني بىرلەستىگىن كوركەيتۋگە باعىتتالعان اكتسيا وتكىزدىك. وعان ىسكە جانى اشيتىن ازاماتتار كوپ كەلدى. جاقسى-جاقسى تىلەكتەر ايتىلدى, جۇرەكجاردى وي-پىكىرلەر ورتاعا سالىندى. قولما-قول 2 200 000 تەڭگە قارجى جينالدى. قالا اكىمى قايرات مولداسەيىتوۆ 100 000 تەڭگە, وبلىستىق ءماسليحاتتىڭ دە­پۋتاتى, اۋىل اقساقالى جاقان شالباەۆ 100 000 تەڭگە ۇسىندى. وسىنداي جانى جايساڭ, جومارت جاندار از بولعان جوق. قارجى ماسەلەسىندە وسىنداي ارەكەتتەرىمىز بار. ول ءوز ناتيجەسىن بەرۋدە. – ءار حالىقتىڭ ادەت-عۇرپى, سالت-ءداستۇرى, وزدەرىنە ءتان ۇلتتىق قۇندىلىقتارى بولادى. ۇلتتىق ار-نامىستىڭ ولشەۋىشى ىسپەتتەس وسىناۋ قۇندىلىقتاردىڭ بارىنەن دە جوعارى تۇ­راتىنى­مەن ەشكىم دە داۋلاسا ال­مايدى. قازاقستاننىڭ ەجەلگى تۇر­عىندارىنىڭ بىرىنەن سانالاتىن وزبەك باۋىرلارىمىزدىڭ وسى تۇرعىداعى جاي-كۇيىنەن حاباردار ەتە كەتسەڭىز. – قازاقستاندىق وزبەكتەر ۇلت­تىق سالت-ءداستۇردى بارىنشا گۇل­دەندىرە ءتۇسۋ جولىندا زور ۇيىم­شىلدىق كورسەتۋدە. ايتالىق, بۇر­ناعى جىلى وڭتۇستىك قازاقستان وبلىسىنىڭ سايرام اۋدانىندا وتكەن وزبەكتەردىڭ رەس­پۋب­ليكالىق قۇرىلتايىندا بۇل ماڭىزدى ماسە­لەگە ايرىقشا كوڭىل ءبولىندى. وسى باسقوسۋعا ەلىمىزدىڭ 10 وبلىسىنان 215 دەلەگات قاتىستى. قۇرىلتايدا “دۋستليك” رەسپۋبليكالىق اسسو­تسيا­تسياسىنىڭ پرەزيدەنتى, پارلا­مەنت ءماجى­لىسىنىڭ دەپۋتاتى روزا­قۇل حالمۇرادوۆ بايان­داما جاساپ, قازاق ەلىندەگى وزبەك ەتنوسىنىڭ قول جەتكىزگەن جەتىستىكتەرى مەن ات­قارىپ وتىر­عان سان-سالالى يگىلىكتى ىستەرىنە جان-جاقتى توقتالدى. ۇلتتىق سالت-ءداستۇردى بەرىك ۇستانا وتى­رىپ, كەڭ ورگە باستىرۋدىڭ جار­قىن كوك­جيەك­تەرى ناقتىلانا ءتۇستى, وسى ورايدا العا جاڭا ءمىن­دەتتەر قويىلدى. بۇرناعى جىلى سايرام اۋى­لىندا وزبەك دراما تەاترىنىڭ ءدۇ­نيە­گە كەلۋى ءبىزدىڭ ۇلتتىق ماقتا­نى­شىمىز بولىپ تابىلادى. وسى رەت­تە ايتا كەتەر ءبىر نەگىزگى ماسەلەمىز سول, تاياۋ ۋاقىت­تا ءتۇر­كىستان قالا­سى­نان وزبەك تىلىندە گازەت شىعارۋعا بەل بايلاپ وتىرمىز. قازىر وعان ءازىر­لىك جۇمىستارى جۇرگىزىلۋدە. ونى ۇيىم­داستىرۋ تانىمال جۋر­ناليست, رەسپۋب­لي­كالىق “جانۋبي كو­زوعيستون” گازەتىنىڭ تۇركىستان جانە كەنتاۋ قالا­لارىنداعى مەن­شىك­تى ءتىلشىسى, تۇركىستان وزبەك ءما­دە­­ني ءبىر­لەس­تىگىنىڭ اتقارۋشى دي­رەكتورى شا­مىرزا مادا­لي­موۆقا جۇكتەلدى. ءبىزدىڭ گازەت شى­عارۋ ءجونىن­دەگى ءوتىنىش-تىلەگىمىزگە ءتۇر­كىس­تان قالا­لىق اكىمدىگى ءتۇسىنىس­تىكپەن قاراپ, قولداپ وتىر. جىل سايىن قازاقستاندىق ءوز­بەك­تەردىڭ ونەر شەبەرلەرى ارا­سىندا رەسپۋبليكالىق كونكۋرستار وتكىزىپ وتىرۋ داستۇرگە اينالىپ كەلەدى. ءبىر عانا مىسال كەلتىرە كە­تەيىك. بۇرناعى جىلى سايرام اۋى­لىندا وزبەكتىڭ ەجەلگى حالىق يۋمو­رى – اسكيا بويىنشا ءىىى حالىق­ارا­لىق فەستيۆال وتكەن بولاتىن. بۇعان ەلىمىزدىڭ وڭتۇستىك قازاق­ستان جانە جامبىل وبلىستارى مەن وزبەكستاننىڭ اسكيا شەبەرلەرى قاتىسىپ, ءسوز سايىسىندا باق سى­ناستى. بەس كوماندانىڭ اراسىنان تۇركىستاننىڭ ءسوز شەبەرلەرى ۇزدىك شىقتى. ال سايرامدىق اسكيا­شى­لار ەكىنشى ورىندى يەلەنسە, ءۇشىن­شى ورىنعا جامبىل وبلىسى مەن قارامۇرت اۋىلدىق وكرۋگىنىڭ كوماندالارى كوتەرىلدى. مادەني بىرلەستىك ۇستىمىزدەگى جىلى تۇركىستان قالاسىندا وزبەك حالىق اندەرىنىڭ “قاسيەتتى اندەردى قادىرلەيىك” اتتى رەسپۋبليكالىق باي­قاۋى مەن وزبەك اقىندارىنىڭ رەسپۋبليكالىق ءمۇشايراسىن ءوت­كىزۋدى كوزدەۋدە. – دانىش اكا, اڭگىمەمىزدىڭ سوڭىندا وسىنداعى ۇلى قاقپا كەشەنى جونىندە ايتا كەتسەڭىز. – يقان اۋىلى – قاسيەتتى تۇركىستاننىڭ ءىر­گە­سىندەگى ەلدى مەكەن, جيىرما شاقتى شاقى­رىم­داي جەردە. كيەلى شاھارعا اپارا­تىن كۇرە جول ءبىزدىڭ اۋىلىمىزدى قاق جارىپ وتەدى. تۇركىستانعا قاراي بەت العان جولاۋشىلار مەن قو­ناقتاردىڭ, زيارات ەتۋشىلەردىڭ قا­سيەتتى قالاعا العاشقى قادام­دارىن ۇعىندىرۋ ماقساتىندا ۇلى قاقپا كەشەنىن تۇرعىزۋ ۋاقىت تا­لا­بىنان تۋىنداعان يدەيا ەدى. قارجىنى ءوز قال­تامىزدان شىعار­دىق, حالقىمىز نيەتىمىزدى قوشتاپ, دەم بەرىپ وتىردى. ۇلى قاقپا بوي كوتە­رىپ, ءزاۋلىم عيمارات سالىندى. قىزىل كىرپىشتەن ورىلگەن وسى ساۋلەتتى ءۇيدى ۇلتتار دوستىعىنىڭ سيم­­ۆولىنا اينالدىرۋعا كۇش سال­دىق. ءناتي­جە­سىندە قازاق, وزبەك, قىرعىز, تۇرىك, ءازىربايجان, تۇركى­مەن, تاتار ۇلتتارىنا ارنالعان جەتى بولمەنى جاساقتاپ, ۇلتتىق ناقىشتارىمەن ساۋلەتتەن­دىر­دىك. بۇلاردى بەزەندىرۋ ءۇشىن ساۋلەت­شىلەر مەن ۇلتتىق شەبەرلەردى سىرتتان الدىردىق. بۇل عيماراتتا ۇلتتىق بولمە­لەردەن وزگە اق­نيەت زالى, ناماز وقيتىن, باتا بەرەتىن جانە نەكە قياتىن ارناۋلى ورىندار, ءدوڭ­گەلەك ۇستەل وتكىزەتىن بولمە بار. كەزىندە وسى ۇلى قاقپا كەشە­نىندە ەلباسىمىز نۇرسۇلتان نا­زارباەۆ پەن وزبەكستان پرەزيدەنتى يسلام كاريموۆ بولىپ, ءدام تاتتى. قوس پرەزيدەنت عيبراتتى سوزدەر ايتىپ, بولمەلەردى تاماشالادى, ريزاشىلىقتارىن ءبىلدىردى. يقان اۋىلىنىڭ تۇرعىندارى مۇنى ءاردايىم ماقتانىش سەزىمىمەن ەسكە الىپ جۇرەدى. – دانىش اكا, جۇرەكجاردى ءاڭ­گى­مەڭىزگە راحمەت. يقاندىق باۋىر­لارىمىزعا شات ءومىر تىلەيمىز. اڭگىمەلەسكەن سەيدۋللا سادىقوۆ, قازاقستان جۋرناليستەر وداعى سىيلىعىنىڭ لاۋرەاتى, وزبەكستانداعى رەسپۋبليكالىق “نۇرلى جول” گازەتىنىڭ وڭتۇستىك قازاقستان وبلىسىنداعى شتاتتان تىس ءتىلشىسى. وڭتۇستىك قازاقستان وبلىسى.