الەم • 07 قىركۇيەك، 2021

كوروناۆيرۋس: الەمدەگى ەپيداحۋال ءالى دە جاقسارماي تۇر

25 رەت كورسەتىلدى

COVID-19 تارالۋىنا جول بەرمەۋ جونىندەگى ۆاك الەم ەلدەرىندەگى ەپيدەميولوگيالىق احۋالعا شولۋ جاسادى، دەپ جازادى Egemen.kz.

بولگاريا ۇكىمەتى COVID-19 اۋرۋىنىڭ وسۋىنە بايلانىستى جاڭا شەكتەۋلەر ەنگىزدى. كارانتين شارالارى قازان ايىنىڭ سوڭىنا دەيىن سوزىلادى. بۇگىننەن باستاپ ەلدە كەز كەلگەن بۇقارالىق ءىس-شارالاردى وتكىزۋگە تىيىم سالىندى. بالالاردىڭ ويىن-ساۋىق ورتالىقتارى مەن كلۋبتار جۇمىس ىستەمەيدى، ءۇي-جايلارداعى سپورتتىق جارىستار كورەرمەنسىز وتكىزىلەدى. تاماقتانۋ ورىندارىنا تەك 23:00-گە دەيىن جۇمىس ىستەۋگە رۇقسات ەتىلەدى. تۇنگى كلۋبتار مەن بي الاڭدارىنىڭ جۇمىسى توقتايدى. كينوتەاترل، تەاتر جانە كونتسەرت زالدارىنا كورەرمەن زالىن 50% تولتىرۋعا عانا رۇقسات ەتىلەدى. جۇمىس بەرۋشىلەرگە قىزمەتكەرلەردىڭ جارتىسىن قاشىقتان جۇمىس رەجيمىنە اۋىستىرۋ ۇسىنىلدى.

COVID-19 ۆيرۋسىنا قارسى ۆاكتسيناتسيالانعان شەتەلدىكتەرگە كانادا شەكارالارى اشىق. ەل ۇكىمەتى كوروناۆيرۋسقا قارسى ۆاكتسيناتسيانىڭ تولىق كۋرسىنان وتكەن ازاماتتاردى ەلگە كىرگىزۋ تۋرالى شەشىم قابىلدادى. بۇل جەردە امەريكاندىق Pfizer، Moderna، Johnson & Johnson كومپانيالارى مەن بريتاندىق-شۆەدتىك AstraZeneca فيرماسىنىڭ پرەپاراتتارىمەن ۆاكتسيناتسيالانعاندار تۋرالى ايتىلىپ وتىر. ۆاكتسيناتسيا پاسپورتىنان باسقا، تۋريستەر 72 ساعاتتان كەشىكتىرمەي تەرىس ناتيجەلى تەست انىقتاماسىن ۇسىنۋى كەرەك. سونىمەن بىرگە ءۇندىستان مەن ماروككودان كەلگەن جولاۋشىلارعا ەلگە كىرۋگە تىيىم سالىنادى.

ۆەتنامدا كوروناۆيرۋستىڭ تارالۋىنا قارسى تۇرۋ ءۇشىن ەنگىزىلگەن لوكداۋن ەڭ ءىرى قالاسىنىڭ تۇرعىندارىنىڭ اشىعۋىنا اكەپ سوقتىردى. تولىق وقشاۋلانۋدىڭ سالدارى اۋقاتسىز قالۋعا ءماجبۇر ەتتى. مۇندا 9 ميلليون ادام تۇرادى جانە قالا پاندەميا ەپيتسەنترىندە بولدى. ەلدە 520 مىڭ ادام كوروناۆيرۋس جۇقتىرعان، 13 مىڭنان استام ادام قايتىس بولدى، ولاردىڭ 80%-ى حوشيميندە. Covid-19 اۋرۋى دياگنوزى قويىلعان جانە ولارمەن بايلانىستا بولعان تۇرعىندارعا ۇيىنەن شىعۋعا تىيىم سالىنادى. بارلىق جەردە باقىلاۋ-وتكىزۋ پۋنكتتەرى ورناتىلعان، ال اۋرۋ مەن ءولىم-ءجىتىم كورسەتكىشتەرى ءالى دە جوعارى.

اقش كوروناۆيرۋستىڭ تارالۋى بويىنشا الدىڭعى ورىننان تۇسپەي كەلەدى. وتكەن اپتادا مۇندا SARS-CoV-2 ۆيرۋسىنىڭ 1 ميلليوننان استام تاسىمالداۋشىسى انىقتالدى. ستاتيستيكا اقش-تاعى سىرقاتتانۋشىلىق كورسەتكىشتەرىنىڭ قىسقى ءورشۋ كەزىندەگى (2020/2021) جاعدايلارعا ورالدى دەپ بولجايدى. ول كەزەڭدەردە ەلدە ءار ءتورت كۇن سايىن ميلليون جاڭا جاعداي انىقتالعان بولاتىن. پاندەميا كەزىندە اقش-تا 40 ميلليون COVID-19 جۇقتىرۋ جاعدايلارى تىركەلدى، 648،9 مىڭ ادام اۋرۋ سالدارىنان قايتىس بولدى.

رەسەيلىك عالىمدار 30 مينۋتتان از ۋاقىت ىشىندە COVID-19 ۆيرۋسىنىڭ اعزادا بار-جوعىن انىقتايتىن قۇرىلعى ويلاپ تاپتى. فەدەرالدى بيومەديتسينالىق اگەنتتىكتىڭ ماماندارى SARS-CoV-2 مۋتاتسياسىن جىلدام باقىلاۋدىڭ جولىن تاپتى، ياعني كوروناۆيرۋستىڭ ماڭىزدى قاسيەتتەرىنە جاۋاپ بەرەتىن گەنومنىڭ تەك ءبىر بولىگىن «وقۋدى» ۇسىنادى. 

سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار