«2021 جىلدىڭ 1 قىركۇيەگىندە قازاقستان پرەزيدەنتى قاسىم-جومارت توقاەۆ جىل سايىنعى حالىققا جولداۋىندا قازاقستاندىقتارعا زەينەتاقى جيناقتارىنىڭ ءبىر بولىگىن جەتكىلىكتىلىك شەگىنەن جوعارى «وتباسى بانكتەگى» شوتقا اۋدارۋعا رۇقسات بەرۋدى تاپسىردى. مەملەكەت باسشىسىنىڭ ايتۋىنشا, بۇل شارا قاراجات جيناۋ جانە ولاردى ساۋاتتى باسقارۋ ادەتىن ىنتالاندىرۋعا مۇمكىندىك بەرەدى. «وتباسى بانكى» پرەزيدەنتتىڭ باستاماسىن قولدايدى, ويتكەنى ول قازاقستاندىقتارعا قاراجات جيناۋ مەرزىمىن ەكى ەسە قىسقارتۋعا جانە قونىس تويىن تويلاۋدى الدەقايدا ەرتەرەك بەلگىلەۋگە مۇمكىندىك بەرەدى. قازىرگى ۋاقىتتا 260 مىڭ قازاقستاندىق زەينەتاقى جيناقتارىن وتباسى بانكى ارقىلى جالپى سوماسى 1,4 تريلليون تەڭگەدەن استام سوماعا پايدالاندى», دەپ ءتۇسىندىردى ۇيىمنىڭ ءباسپاسوز قىزمەتى.
بانك قاراجات «وتباسى بانكتەگى» جانە باسقا دا ەدب قارىزدارى بويىنشا بەرەشەكتى وتەۋگە, تولىق ساتىپ الۋعا, يپوتەكا الۋ ءۇشىن باستاپقى جارنانى ەنگىزۋگە, جەكە تۇرعىن ءۇي سالۋعا جانە ۋچاسكە ساتىپ الۋعا باعىتتالعانىن اتاپ ءوتتى. بۇل رەتتە جاس بولىنىسىندە ۇلكەن ۇلەس (46,1%) 36-45 جاستاعى ازاماتتارعا تيەسىلى, 18,5% مولشەرىندەگى ۇلەس 26-35 جاس شاماسىندا كەلەدى. 18-25 جاس ارالىعىنداعى سالىمشىلارعا زەينەتاقى قورىنان الىنعان قاراجاتتىڭ بار بولعانى 0,1% - ى تيەسىلى.
«وتباسى بانكىندە» مەملەكەت باسشىسىنىڭ جاڭا باستاماسى ءبىرىنشى كەزەكتە جاس قازاقستاندىقتارعا تۇرعىن ءۇي ماسەلەسىن شەشۋگە كومەكتەسەدى دەپ سانايدى. ويتكەنى ولاردا تۇرعىن ءۇي ساتىپ الۋ نەمەسە باستاپقى جارنا ءۇشىن جەتكىلىكتى جيناقتار جوق. بانكتىڭ باعالاۋى بويىنشا 190 مىڭعا جۋىق جاس وتباسى بۇل مۇمكىندىكتى ءبىر جىل ىشىندە پايدالانا الادى. جىل سايىن تاعى دا 15 مىڭعا جۋىق وتباسى سالىمدار اشاتىن بولادى.
«جالپى بىرىڭعاي جيناقتاۋشى زەينەتاقى قورىنا (بۇدان ءارى – بجزق) بىرجولعى زەينەتاقى تولەمىن الۋعا ءوتىنىم بەرۋ ءتارتىبى enpf-otbasy.kz پلاتفورماسى ارقىلى قازىرگى كەزدەگىدەي بولادى. سالىمشىنىڭ شوتىنان بجزق-عا «وتباسى بانكتەگى» ارنايى شوتقا قاراجات تۇسكەننەن كەيىن, بىرجولعى زەينەتاقى تولەمدەرى تۇرعىن ءۇي قۇرىلىسى جيناقتارىنىڭ دەپوزيتىنە جىبەرىلەتىن بولادى. اتالعان تەتىك جىل سوڭىنا دەيىن پىسىقتالىپ, ىسكە قوسىلادى دەپ جوسپارلانۋدا. بۇل رەتتە, بانكتەگى شوتتا, ونىڭ ىشىندە زەينەتاقى جيناقتارىنان قاراجات جيناي وتىرىپ, سالىمشىلار كەيىننەن تۇرعىن ءۇي نەمەسە ارالىق قارىز الا الادى, سونداي-اق بانكتىڭ قولدانىستاعى بارلىق باعدارلامالارىن پايدالانا الادى», دەپ اتاپ ءوتتى ۇيىمنىڭ ءباسپاسوز قىزمەتىندە.
ياعني, جاڭا ەنگىزىلىم قازاقستاندىقتاردىڭ «وتباسى بانكىنىڭ» شوتىنا جەتكىلىكتىلىك شەگىنەن اساتىن كەز كەلگەن سومانى اۋدارا الاتىنىن جانە مۇنى اي سايىن جاساۋعا بولاتىنىن كوزدەيدى.
«بۇل رەتتە اۋدارىلعان قاراجاتتىڭ باستاپقى جارناعا بىردەن جەتۋى مىندەتتى ەمەس. العاشقى كەزدە اقشانى ودان ءارى باستاپقى جارنا رەتىندە پايدالانۋ جانە بانك باعدارلامالارى بويىنشا كرەديت الۋ ءۇشىن جاي عانا جيناقتاۋعا بولادى», دەپ تولىقتىردى «وتباسى بانكىنىڭ» ءباسپاسوز قىزمەتى.
