قازاقستان • 07 قىركۇيەك، 2021

بيزنەستى قولداۋعا 1 تريلليون تەڭگە بولىنەدى

145 رەت كورسەتىلدى

قر ۇلتتىق ەكونوميكا ءمينيسترى اسەت ەرعاليەۆ قر پرەزيدەنتىنىڭ 2021 جىلعى 1 قىركۇيەكتەگى جولداۋىن ىسكە اسىرۋ بويىنشا جوسپارلارىمەن ءبولىستى، دەپ حابارلايدى Egemen.kz.

ء«بىرىنشى باعىت بويىنشا 27 ءىس-شارانى ىسكە اسىرۋ كوزدەلگەن. كاسىپكەرلىكتى دامىتۋ ءۇشىن 2022 جىلى «قاراپايىم زاتتار ەكونوميكاسى» جانە «بيزنەستىڭ جول كارتاسى» باعدارلامالارىن ىسكە اسىرۋ جالعاساتىن بولادى. جالپى، قارجىلاندىرۋ كولەمى 1 ترلن تەڭگەدەن كەم بولمايدى»، دەدى اسەت ەرعاليەۆ ۇكىمەت وتىرىسىندا.

ونىڭ ايتۋىنشا، مەملەكەتتىك قارجىنىڭ تيىمدىلىگىن ارتتىرۋ ماقساتىندا مەملەكەتتىك قارجىنى باسقارۋ تۇجىرىمداماسى ازىرلەنەدى. تۇجىرىمداما بيۋدجەت ساياساتىن، مەملەكەتتىك بورىشتى باسقارۋ، سونداي-اق ۇلتتىق قوردىڭ قاراجاتىن قالىپتاستىرۋ جانە پايدالانۋ ماسەلەلەرىن قامتىماق.

«وندىرۋشىدەن تۇتىنۋشىعا دەيىنگى تىزبەك بويىنشا باعانى بىرىڭعاي باقىلاۋ ءۇشىن نەگىزگى مەملەكەتتىك ورگان ايقىندالاتىن بولادى. «جەكە قوسالقى شارۋاشىلىقتار تۋرالى» زاڭ ازىرلەنەتىن بولادى. اۋىل شارۋاشىلىعىندا سۋبسيديالاۋ تەتىكتەرىن ۇزاق مەرزىمدى نەگىزدە بەكىتۋ كوزدەلىپ وتىر»،  دەپ تۇيىندەدى مينيستر.

سوڭعى جاڭالىقتار

اينالما جولدىڭ ازابى

ايماقتار • كەشە

ۇقساس جاڭالىقتار