TOKYO2020 • 06 قىركۇيەك، 2021

توكيودا پاراليمپيادا ويىندارى اياقتالدى

114 رەت كورسەتىلدى

حالىقارالىق پاراليمپيادا كوميتەتىنىڭ (IPC) پرەزيدەنتى ەندريۋ پارسونس توكيو ويىندارىن جابىق دەپ جاريالادى، دەپ حابارلايدى Egemen.kz.

5 قىركۇيەكتە جاپونيا استاناسىنداعى ۇلتتىق ستاديوندا جارىستىڭ جابىلۋ سالتاناتى ءوتتى.

پاراليمپيادا 24 تامىزدا باستالدى. سپورتشىلار 22 سپورت ءتۇرى بويىنشا 539 مەدالدار جيىنتىعىنا تالاستى. جالپى كوماندالىق ەسەپتە ءى-ورىندى قىتاي سپورتشىلارى جەڭىپ الدى. ولاردىڭ ەنشىسىندە 96 التىن، 60 كۇمىس جانە 51 قولا مەدال بار. ۇلىبريتانيالىق سپورتشىلار ءىى-ورىندى يەلەندى (41، 38، 45)، مىقتىلاردىڭ ۇشتىگىن امەريكالىقتار تۇيىندەدى (37،36، 31).

ايتا كەتسەك، قازاقستاندىق سپورتشىلار پاراليمپيادا-2020 ويىندارىن بەس مەدالمەن اياقتادى، بۇل - ۇلتتىق قۇرامانىڭ تاريحىنداعى ەڭ جاقسى ناتيجە.

پاۋەرليفتينگشى داۆيد دەگتيارەۆ التىن، دزيۋدوشىلار ءانۋار ساريەۆ، تەمىرجان داۋلەت پەن زارينا بايباتينا كۇمىس، سۋعا ءجۇزۋشى نۇرداۋلەت جۇماعالي قولا مەدال الدى.

 

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار