بۇگىننەن باستاپ ۆاكتسينا الماعاندار جۇمىسقا جىبەرىلمەيدى

«وبلىستاردىڭ, الماتى, نۇر-سۇلتان, شىمكەنت قالالارىنىڭ اكىمدەرى, ورتالىق مەملەكەتتىك ورگاندار, قۇقىق قورعاۋ جانە ارنايى ورگاندار, «اتامەكەن» ۇكپ (كەلىسۋ بويىنشا), ۇلتتىق كومپانيالار, مەنشىك نىسانىنا قاراماستان زاڭدى تۇلعالار COVID-19-عا قارسى ۆاكتسينا الماعان جۇمىسكەرلەردى (تۇراقتى مەديتسينالىق قارسى كورسەتىلىمدەرى بار جانە سوڭعى 3 اي ىشىندە COVID-19-بەن اۋىرىپ جازىلعان ادامداردى قوسپاعاندا) بەتپە-بەت رەجيمدە جۇمىسقا جىبەرۋدى شەكتەسىن», دەپ جازىلعان قاۋلىدا. 

ەگەر قىزمەتكەرى كەڭسەگە كەلىپ جۇمىس ىستەيتىن بولسا, مىندەتتى تۇردە 7 كۇندە ءبىر رەت پتر-تەست تاپسىرىپ وتىرۋى كەرەك. 

قاۋلى تەك حالىققا قىزمەت كورسەتۋمەن اينالىساتىن نىساندارعا قاتىستى قولدانىلادى. ونىڭ قاتارىندا:

- قىزمەت كورسەتۋ جونىندەگى وبەكتىلەر (حالىققا قىزمەت كورسەتۋ ورتالىقتارى (حقكو), «قازپوشتا» اق بولىمشەلەرى, ەكىنشى دەڭگەيلى بانكتەر, قارجى نارىعىنىڭ وبەكتىلەرى, ساقتاندىرۋ كومپانيالارى, جىلجىمايتىن م ۇلىك اگەنتتىكتەرى, جارناما اگەنتتىكتەرى, ايىرباستاۋ پۋنكتتەرى, لومباردتار, سۇلۋلىق سالوندارى, شاشتارازدار, حيميالىق تازالاۋ ورىندارى, كىر جۋ ورىندارى, فيتنەس, سپورت كەشەندەرى, سپورتتىق-ساۋىقتىرۋ ورتالىقتارى, سپا جانە ماسساج سالوندارى/ورتالىقتارى/كابينەتتەرى, مونشالار, ساۋنالار, باسسەيندەر, جاعاجايلار, تيپوگرافيالىق كورسەتىلەتىن قىزمەتتەر, تىگىن اتەلەسى, فوتوسالوندار, اياق كيىم شەبەرحانالارى, گۇل دۇكەندەرى, اياق كيىم, كيىم جوندەۋ, ۇيىمداستىرۋ تەحنيكاسىن جوندەۋ جونىندەگى سەرۆيس, نوتاريۋس, بۋحگالتەر جانە كونسالتينگ, مانيكيۋر جانە پەديكيۋر, كوسمەتولوگيالىق قىزمەتتەردى كورسەتۋ جونىندەگى وبەكتىلەر, وزگە دە وبەكتىلەر);

- حالىق تۇتىناتىن ونىمدەردىڭ جانە تاۋارلاردىڭ كوتەرمە جانە بولشەك ساۋداسى (ساقتاۋ) وبەكتىلەرى, ونىڭ ىشىندە بازارلار, ساۋدا ۇيلەرى, ساۋدا جەلىلەرى, ساۋدا جانە ويىن-ساۋىق ورتالىقتارى, دۇكەندەر, شاعىن ماركەتتەر, سۋپەرماركەتتەر, گيپەرماركەتتەر;

- مادەنيەت جانە دەمالىس وبەكتىلەرى (مۋزەيلەر, مۋزەي-قورىقتار, كىتاپحانالار, كونتسەرتتىك ۇيىمدار, فيلارمونيالار, تەاترلار, كينوتەاترلار, كونتسەرت زالدارى, كلۋبتار, گالەرەيالار, كورمەلەر, تسيركتەر جانە باسقا دا مادەني دەمالىس ۇيىمدارى);

- وناق ۇيلەر, وتەلدەر, حوستەلدەر, موتەلدەر, جاتاقحانالار, كەمپينگتەر جانە تاعى باسقالار;

- جولاۋشىلار تاسىمالىن جۇزەگە اسىراتىن ۇيىمدار, اۋەجايلار, تەمىرجول, اۆتوموبيل جانە سۋ ۆوكزالدارى, وزەن جانە تەڭىز پورتتارى, اۆتوستانتسيالار/اۆتووتپە جولدارى, جولاۋشىلارعا قىزمەت كورسەتۋ پۋنكتتەرى;

- ءبىلىم بەرۋ جانە تاربيەلەۋ ۇيىمدارى, ونىڭ ىشىندە ءبىلىم بەرۋ دامىتۋ جانە تۇزەتۋ ورتالىقتارى (ەرەسەكتەر مەن بالالارعا ارنالعان), وقۋ-وندىرىستىك كومبيناتتار جانە باسقا دا مەكتەپتەن تىس ۇيىمدار;

- ساناتوري-كۋرورتتىق جانە ساۋىقتىرۋ ماقساتىنداعى وبەكتىلەر (ساناتوريلەر, دەمالىس ۇيلەرى/بازالارى/ايماقتارى, پروفيلاكتوريلەر, بالالاردىڭ ساۋىقتىرۋ لاگەرلەرى (مەكتەپ جانىنداعى, قالا سىرتىنداعى), تۋريستىك بازالار جانە باسقالار);

- قوعامدىق تاماقتانۋ وبەكتىلەرى, ونىڭ ىشىندە ۇيىمداسقان ۇجىمداردا ورنالاسقان, سونداي-اق تاماق جەتكىزۋدى جۇزەگە اسىراتىن وبەكتىلەر, ستريتفۋدتار;

- بارلىق ۇلگىدەگى مەديتسينالىق-الەۋمەتتىك وبەكتىلەر (قارتتار, مۇگەدەكتەر ۇيلەرى, سابيلەر ۇيلەرى جانە باسقالارى);

- دەنساۋلىق ساقتاۋ ۇيىمدارى, ونىڭ ىشىندە زەرتحانالار;

- ءدارىحانا ۇيىمدارى;

- تىرشىلىكتى قامتاماسىز ەتۋ جانە كوممۋنالدىق شارۋاشىلىق وبەكتىلەرى (سۋمەن جابدىقتاۋ, جىلۋمەن جابدىقتاۋ, ەلەكترمەن جابدىقتاۋ, اۋماقتاردى جيناۋ جانە قالدىقتاردى شىعارۋ, ءۇي-جايلار مەن اۋماقتاردى دەزينفەكتسيالىق وڭدەۋ بويىنشا ۇيىمدار, اۆاريالىق-قۇتقارۋ قىزمەتتەرى, پيك جانە ميب جانە باسقالارى);

- كسكۋرسيالىق قىزمەت كورسەتەتىن ۇيىمدار; دەمالىس وبەكتىلەرى, ويىن-ساۋىق ويىن وبەكتىلەرى (كومپيۋتەرلىك كلۋبتار, بيليارد زالدارى, بوۋلينگتەر, ويىن-ساۋىق ورتالىقتارى/ساياباقتارى, اتتراكتسيوندار, اكۆاپاركتەر, كاراوكە, لوتەرەيا كلۋبتارى جانە لوتەرەيا بيلەتتەرىن ساتۋ جونىندەگى وزگە دە پۋنكتتەر/نۇكتەلەر جانە باسقالار);

- بايلانىس جانە تەلەكوممۋنيكاتسيا وبەكتىلەرى.