تۇرعىندار قازىرگى تاڭدا قوقىستاردى تازارتۋعا كىرىستى. ازىرگە ەلدىڭ سولتۇستىك-شىعىسىنداعى شتاتتاردا 50-دەن استام ادام قايتىس بولعان. باسقا شتاتتاردا دا بىرنەشە ادام باقيعا اتتانعان.
داۋىل سالدارىنان قوعامدىق كولىكتەر توقتاپ قالدى. قازىر اقش-تا «ەڭبەك دەمالىسىن» اتاپ ءوتىپ جاتىر. نيۋ-يورك قالاسىنىڭ وپەراتورلارى جۇمىس كۇنى باستالعانعا دەيىن كەيبىر قالاارالىق جەلىلەردى قالپىنا كەلتىرۋگە ۋادە بەردى.
لۋيزيانا شتاتىندا ەلەكتر جارىعى بولماعاندىقتان, كوپ ادام جانارماي قۇيۋ بەكەتتەرىندە ۇزاق كەزەككە تۇرىپ, گەنەراتورلارعا جانارماي ىزدەۋگە ءماجبۇر. جارىق كەلەسى اپتاعا دەيىن جانبايدى. اق ءۇي الداعى ۋاقىتتا داۋىلدان كەلگەن زارداپتىڭ كولەمىن ەسەپتەۋگە كىرىسەتىنىن حابارلادى.
پرەزيدەنت دجو بايدەن داۋىلدان كەيىن حالىققا جولداۋ ارناپ, وندا بىرقاتار ماسەلەگە توقتالدى.
«يدا» داۋىلى, ەلدىڭ باتىسىنداعى ورمان ورتتەرى مەن نيۋ-يورك پەن نيۋ-دجەرسيدەگى بۇرىن-سوڭدى بولماعان سۋ تاسقىنى – كليمات داعدارىسى كەلىپ جەتكەنىن كورسەتەدى. مۇندايعا دايىن بولۋىمىز كەرەك. سوندىقتان ارەكەت ەتەتىن كەز كەلدى», دەدى اق ءۇي باسشىسى.
