«ماعان الماتى قالاسىنىڭ تۇرعىنى اسىل تورعاي جۇگىندى. ول ەر ادامنىڭ بالاعا قول كوتەرگەنى تۇسىرىلگەن ۆيدەو جىبەردى. ءبىز ءوز تەكسەرۋىمىزدى جۇرگىزىپ, قۇقىق بۇزۋشىنى انىقتادىق. ول 1966 جىلى تۋعان ا. ەسىمدى ازامات بولىپ شىقتى. اتالعان دەرەك بويىنشا 1987 جىلى تۋعان گ. ەسىمدى ازاماتشادان ارىز ءتۇستى. ول جوعارىدا اتالعان ادامنىڭ قىلىعىنا شارا قولدانۋدى سۇرادى», دەپ جازدى Facebook-تە الماتى پوليتسيا دەپارتامەنتى باستىعىنىڭ تەرگەۋ جۇمىسى جونىندەگى ورىنباسارى رۋستام ابدراحمانوۆ.
وقيعا ءبىرىنشى قىركۇيەكتە ورىن العان. ساعات 18:00 شاماسىندا كىرەبەرىستىڭ الدىڭعى ەسىگىندە ەر ادام 10 جاسار بالانى ۇرىپ, دەنە جاراقاتىن تيگىزدى.
«وقيعانىڭ ءمان-جايىن زەرتتەۋ ماقساتىندا ءىس اۋەزوۆ اۋداندىق پب جپقب قىزمەتكەرلەرىنە تاپسىرىلدى. قۇقىق بۇزۋشى جاۋاپقا تارتىلادى», دەدى ءابدىراحمانوۆ.
