الەۋمەتتىك جەلىلەردە الماتىدا بولعان قىلمىس تۋرالى جازبا جاريالادى. وندا ايەل 13 جىل بىرگە تۇرعان بۇرىنعى زەينەتكەر كۇيەۋىن نەمەرە اعاسىمەن توناعانى جازىلعان. ەر ادام تاڭەرتەڭ ەس-ءتۇسسىز جاتقان جەرىنەن تابىلدى.
الماتى قالالىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, 30 تامىزدا الاتاۋ اۋداندىق پوليتسيا بولىمىندە قر قىلمىستىق كودەكسىنىڭ 106-بابى 1-بولىگى «دەنەگە قاساقانا اۋىر زيان كەلتىرۋ» بويىنشا قىلمىستىق ءىس تىركەلگەن.
پوليتسيا مالىمەتىنشە, 1983 جىلى تۋعان ەر ادام ءىزىن سۋىتپاي ۇستالعان. ول كىناسىن مويىنداعان. كۇدىكتى پد ۋاقىتشا ۇستاۋ يزولياتورىنا قامالدى. 2 قىركۇيەكتە جابىرلەنۋشى قايتىس بولعاننان كەيىن ءىس 106-باپتىڭ 3-بولىگى «ابايسىزدا جابىرلەنۋشىنىڭ ولىمىنە اكەپ سوققان نەمەسە قىلمىستىق توپ جاساعان دەنساۋلىققا اۋىر زيان كەلتىرۋ» بويىنشا قايتا سارالاندى.
پوليتسيا ايەل دە بۇل ءىس بويىنشا قىلمىستىق جاۋاپكەرشىلىككە تارتىلعانىن حابارلادى. تەرگەۋ جالعاسىپ جاتىر.
