ءۇش سوعىستىڭ جاۋىنگەرى

ۇلى وتان سوعىسىنىڭ جەڭىس كۇنى جاقىنداعاندا ەڭ الدىمەن سول جەڭىستى اكەلگەن ازاماتتار ەسكە تۇسەدى. سولاردىڭ اراسىندا ءۇش سوعىسقا قاتىسىپ, وتان ءۇشىن ناعىز سۇراپىل شايقاستاردى باسىنان وتكەرگەن داۋلەتيار قادىرجانوۆ تا بار ەدى. ول 1939 جىلى كەڭەس ارمياسى قاتارىنا الىنىپ, №630-ءشى اتقىشتار پولكى قۇرامىندا الدىمەن فين سوعىسىنا قاتىسادى. ودان كەيىن ىلە-شالا 1941 جىلى ۇلى وتان سوعىسى باستالىپ كەتەدى. بۇل كەزدە ول قىزىل تۋلى كۋتۋزوۆ وردەندى بريگادانىڭ قۇرامىندا بولعان جالعىز قازاق كورىنەدى. سونان ول سۇراپىل سوعىس اياقتالا بەرگەن شاقتا 1945 جىلى جاپون يمپەرياليستەرىنە قارسى كۇرەسكە اتتانادى. سوعىس جىلدارىندا ۇنەمى العى شەپتە ساپەرلىك مىندەت ات­قارىپ, ۇزىلگەن بايلانىستى جالعاۋ­مەن جانە ء“تىل” اكەلۋمەن اينالىس­قان ول 1946 جىلى ەلگە امان-ساۋ, ابىرويمەن ورالادى. ءسويتىپ, ءۇش سۇراپىل سوعىستىڭ قاندى مايدانىن كورگەن داۋكەڭ ەلگە كەلىپ, ەڭبەك مايدانىنا ارالاسادى. اتىراۋ وبلىسىنىڭ ماقات اۋدانىندا مۇناي وندىرىسىندە وپەراتور, كەيىن ۋچاسكە شەبەرى بولىپ 1971 جىلى قۇرمەتتى زەينەت­كەرلىككە شىعادى. ەكى مارتە قىزىل جۇلدىز, ءى دارەجەلى وتان سوعىسى وردەندەرىمەن, “جاۋىنگەر­لىك ەرلىگى ءۇشىن” جانە ت.ب. مەدالدارمەن ماراپاتتالعان. داۋكەڭ جانداي زايىبىمەن 45 جىل تاتۋ-ءتاتتى ءومىر كەشتى, ون بالانى ومىرگە اكەلدى. ءالى دە تىندىرارى كوپ ەدى, سوعىس سالعان جاراقات ەرتە الىپ كەتتى. بىراق بۇگىنگىدەي جەڭىس كۇندەرى ءۇش سوعىس مايدانىنىڭ كۋاگەرى, ارداگەر داۋلەتيار قادىرجانوۆتىڭ ەرلىگى ۇمىتىلماي, قايتا رۋحتارى اسقاق­تاي تۇسەتىنى انىق. ماريام داۋلەتيار, استانا.