الەم • 03 قىركۇيەك، 2021

پاريجدە ءبىر توپ ادام وليمپيادا نىساندارىنىڭ سالىنۋىنا قارسى شىقتى

55 رەت كورسەتىلدى

2024 جىلى پاريجدە وتەتىن وليمپيادانى ەل تۇرعىندارىنىڭ ءبىرى قولداسا، ءبىر توبى قارسى، دەپ حابارلايدى Egemen.kz.

قولدامايتىنداردىڭ ءبىر توبى سپورت نىساندارى سالىناتىن اۋماقتى قورعاپ، شەرۋگە شىقتى. ويتكەنى مىنا ۇيلەردىڭ ماڭىنداعى اۋماقتى 150 جىل بويى وسى جەردىڭ تۇرعىندارى وڭدەپ، كۇتىم جاساپ، اتادان بالاعا ميراس ەتىپ كەلەدى. ەندى بۇل جەرگە بيلىك ءجۇزۋ ورتالىعىن سالماق. شەتەلدىك جۋرناليستەرگە ارنالعان عيمارات تا تۇرعىزىلعالى جاتىر. مەكتەپ جانىنان جاڭا جولدار تارتىلادى. بۇدان باسقا، اتالعان ايماقتا 14 مىڭ سپورتشىنى قابىلدايتىن وليمپيادا قالاشىعى بوي كوتەرمەك. ال وسى ماسەلەگە نارازىلىق بىرنەشە ايدان بەرى جالعاسىپ كەلەدى. ازىرگە بيلىك تۇرعىنداردىڭ تالابىنا قۇلاق اسپاي تۇر. بەلسەندىلەر دە رايىنان قايتار ەمەس.

«بىزگە «قۋانىڭدار، سەندەرگە تارتۋ جاساپ جاتىرمىز» دەيدى. قايداعى سىيلىق؟ «وليمپيادا تەك جاقسىلىق اكەلەدى» دەيدى، بۇل دا وتىرىك. ءبىزدىڭ ايماق ەڭ تۇراقسىز، ەڭ كەدەي، ەكولوگياسى ەڭ ناشار جانە كوۆيدتەن ەڭ قاتتى زارداپ شەككەن وڭىرگە اينالدى. سەنا-سان-دەني دەپارتامەنتىندەگى وليمپيادا ويىندارىنا قاتىستى جوبالاردىڭ ەشبىرى جەرگىلىكتى تۇرعىندارمەن كەلىسىلمەگەن»، دەيدى بەلسەندى  ۆيان گريۆو-جەنەس.




سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

سوفيادان ولجالى ورالدى

سپورت • بۇگىن، 08:40

جاس تەننيسشىلەر جارادى

تەننيس • بۇگىن، 08:32

تۇتىنۋشى قۇقىعىن قورعايدى

قازاقستان • بۇگىن، 08:27

ۇقساس جاڭالىقتار