ال ۇجىمدىق يممۋنيتەت قانا قاۋىپتى ىندەتپەن كۇرەسۋدە كومەكتەسەتىنىن ەسكەرسەك, قازىرگى كەزدە ۆاكتسينا الۋ اسا ماڭىزدى بولىپ وتىر. بۇل ءۇشىن وبلىس ورتالىعىنداعى بارلىق ەمحانادا تەگىن ۆاكتسينالاۋ ۇيىمداستىرىلۋدا. الداعى ۋاقىتتا دا قالا تۇرعىندارىنا اتالعان ماسەلە بويىنشا ءتۇسىندىرۋ جۇمىستارى جالعاساتىن بولادى.
وسى ورايدا, تاراز قالاسىندا ەتنومادەني بىرلەستىكتەردىڭ باسشىلارى قالا تۇرعىندارىمەن كەزدەستى. كەزدەسۋ بارىسىندا كارانتين تالاپتارىن قاتاڭ ساقتاۋ مەن ۆاكتسينا قابىلداۋدىڭ ادام ءومىرى ءۇشىن ماڭىزدىلىعى تۋرالى اڭگىمە ءوربىدى. اقپاراتتىق ءتۇسىندىرۋ جۇمىستارى بارىسىندا ورىس, دۇنگەن, ۋكراين, وزبەك, ۇيعىر جانە تاجىك ەتنومادەني بىرلەستىكتەرىنىڭ وڭىردەگى جەتەكشىلەرى دە ۆاكتسينا الۋدىڭ ادام مەن قوعام ءۇشىن ماڭىزدىلىعىنا توقتالدى.
ءتۇسىندىرۋ جۇمىستارىنىڭ سوڭىندا «تاراز قالاسىنىڭ وزبەك ورتالىعى» قوعامدىق بىرلەستىگىنىڭ باسشىسى ابدۋراحمان زاينۋتدينوۆ جانە وزبەك دياسپوراسىنىڭ وكىلدەرى ۆاكتسينا الدى. «بۇگىندە ەكپەنى قالاداعى كەز كەلگەن ەمحانادا الۋعا بولادى. سونداي-اق قالا بويىنشا ءىرى ۆاكتسينالاۋ ورتالىقتارى دا اشىلعان. ءبىزدىڭ ەكپەنى ەش كەدەرگىسىز الۋىمىزعا بارلىق جاعداي جاسالۋدا. سوندىقتان وسىنداي مۇمكىندىكتى كەڭىنەن پايدالانۋىمىز كەرەك», دەيدى ول.
جامبىل وبلىسى
