ءبىلىم • 03 قىركۇيەك، 2021

ماماندار دايارلاۋعا قولداۋ كورسەتىلەدى

10 رەت كورسەتىلدى

مەملەكەت باسشىسى ق.توقاەۆتىڭ قازاقستان حالقىنا جولداۋىندا بەرىلگەن تاپسىرمالاردى ورىنداۋعا ارنالعان ۇكىمەت وتىرىسىندا تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين IT-مامانداردى دايارلاۋ جۇمىسىنا توقتالدى.

«مەملەكەت باسشىسى ءوز جول­داۋىندا اتاپ وتكەندەي، «وتان­دىق IT-سەكتوردى دامىتۋ جانە نىعاي­تۋ ماڭىزدى. ەلگە جاس، ءبىلىمدى، ىنتالى ماماندار قاجەت. بۇگى­ن­دە ەلىمىزدە IT-سەكتورىندا كادر­لاردىڭ ايتارلىقتاي جوعارى تاپ­شىلىعى قالىپتاستى. بۇل ەكونو­ميكالىق باسەكەگە قابىلەتتىلىك­كە قولجەتكىزۋگە مۇمكىندىك بەر­مەي­دى»، دەيدى ب.مۋسين.

وسى ورايدا ۆەدومستۆو باسشىسى ەل پرەزيدەنتىنىڭ 100 مىڭ جوعارى بىلىكتى IT-ماماندى دايارلاۋ جونىندەگى تاپسىرماسىن ىسكە اسىرۋ ماقساتىندا ورىندالاتىن ءىس-شارالارعا توقتالدى.

بىرىنشىدەن، جىل سايىن جەكە IT-مەكتەپتەردە وقىتۋ ءۇشىن IT-ۆاۋچەرلەر بەرىلەتىن بولادى. وسىلايشا، جەكە اقپاراتتىق تەحنو­لوگيالار مەكتەپتەرى نارى­عىنا قول­داۋ جاسالىپ، 2025 جىل­عا دەيىن 20 مىڭ IT-ۆاۋچەر بەرى­لەدى. بۇل شا­را بارلىق نيەت بىلدىرۋ­شى­لەرگە نا­رىقتا قۇرىلاتىن جوعا­رى دارە­جەلى IT-مەكتەپتەرىندە IT-مامان­دارىن قايتا وقىتۋعا مۇمكىندىك بەرەدى.

ەكىنشىدەن، ءبىلىم جانە عىلىم مينيسترلىگىمەن بىرلەسىپ IT-ما­ماندىقتارى بويىنشا باعدار­لامالاردى وزگەرتۋگە دايىندىق جۇرگىزىلۋدە.

ۇشىنشىدەن، ۋنيۆەرسيتەتتەرمەن اقپاراتتىق تەحنولوگيا­لار داعدىلارى بار سالالىق مامانداردى دايارلاۋ ماقساتىن­دا IT-ماماندىقتاردى بەيىندى وندىرىستەرمەن بىرىكتىرۋ بويىنشا جۇمىستار جۇرگىزىلۋدە.

«مەملەكەت باسشىسى بەلگى­لەگەن ەكىنشى باعىت – ۇلتتىق كومپانيا­لاردىڭ IT-نارىعىمەن تىعىز ءوزارا ءىس-قيمىلىن قامتاما­سىز ەتۋ. بۇل ءۇشىن وتاندىق باع­دار­لامالىق قامتىلىم ءتىزىلىمى ازىر­لەنىپ قويىلعان. وسى ءتىزىلىم ارقىلى ونىمدەردى ءبىر كوزدەن ساتىپ الۋ قاراستىرىلعان. بۇدان باسقا بۇگىندە IT-نارىعى مەن ۇلتتىق كوم­پانيالار اراسىندا كوللابوراتسيانى قامتاماسىز ەتۋگە ارنالعان SIMP پلاتفورماسى جۇمىس ىستەي­دى. ۇلتتىق كومپانيالاردى وسى پلاتفورماعا پايدالانۋعا تارتاتىن بولامىز. سونىمەن قاتار IT-نارىعىن دامىتۋ ماقساتىندا 20 ملن دوللار سوماسىندا ۆەنچۋر­لىق ەرتە قارجىلاندىرۋ قورىن قۇرۋ پىسىقتالىپ جاتىر. مۇنىڭ بارلىعى بىزگە، قاسىم-جومارت كەمەل ۇلى اتاپ وتكەندەي، 2025 جىلعا قاراي IT-قىزمەتتەرى مەن ونىمدەرى ەكسپورتىنىڭ كولەمىن كەمىندە 500 ملن دوللارعا ارتتىرۋ بويىنشا العا قويىلعان ماقساتقا قول جەتكىزۋگە مۇمكىندىك بەرەدى»، دەدى مينيستر.

 

«ەگەمەن-اقپارات»

 

سوڭعى جاڭالىقتار

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

دوللار ارزاندادى

قارجى • كەشە

ۇقساس جاڭالىقتار