ناسا جاڭا, ءارى زاماناۋي جابدىقتالعان جەر سەرىگىن عارىشقا ءساتتى ۇشىردى. بۇل تۋرالى 24.kz حابارلادى.
اپپاراتتىڭ نەگىزگى مىندەتى حالىقارالىق عارىش ستانتسياسىمەن جاڭا دەڭگەيدەگى بايلانىس ورناتۋ بولىپ تابىلادى.
فلوريدا شتاتىنىڭ كاناۆەرال ايلاعىنان ۇشىرىلعان «اتلاس-5» زىمىران تاسىعىشىنىڭ بورتىندا جاڭا زاماناۋي تيديەرەس بايلانىس سەرىگىنىڭ 5 ۇلگىسى بار. ونىڭ ەكەۋى حالىقارالىق عارىش ستانتسياسىنا ورناتىلادى دەپ جوسپارلانۋدا. وسىلايشا, اگەنتتىك ەسكى جابدىقتاردى جاڭا نۇسقالارمەن اۋىستىرۋدى ماقسات ەتىپ وتىر. «اتلاس-5» تەكتەس اپپارات بۇعان دەيىن 2013 جىلى عارىشقا ۇشىرىلعان بولاتىن. 2 قۇرىلعىنىڭ جالپى قۇنى 715 ميلليون دوللاردى قۇرايدى. ماماندار وسى جەر سەرىكتەرىن 15 جىل بويى پايدالانۋدى جوسپارلاپ وتىر ەكەن. ايتا كەتەيىك, قازىرگى ۋاقىتتا عارىشتا ناسا-نىڭ بايلانىسقا ارنالعان 8 اپپاراتى بار.
ايدار ورىسباەۆ.
دەرەككوز: 24.kz
فوتو: Ria.ru
