ەكسپورتتا مول تاجىريبەسى بار ساراپشىلار سولتۇستىك امەريكا جانە ەۋروپا, وڭتۇستىك-شىعىس ازيا, تاياۋ شەتەل جانە تمد ەلدەرىندەگى نارىقتا جۇمىس ىستەۋ بويىنشا ناقتى تاجىريبەلىك ۇسىنىستارمەن بولىسەدى. بارلىعى 90 قاتىسۋشى, ونىڭ ىشىندە ءۇش باعىتتىڭ ارقايسىسى بويىنشا 30 IT-كومپانيا ىرىكتەلەدى.
«باعدارلاما باسەكەگە قابىلەتتى ءونىمدى نەمەسە قىزمەتتى قۇرعان, شەتەلگە شىعۋعا باعىتتالعان تەحنولوگيالىق كومپانيالارعا ارنالعان.
سونىمەن قاتار شەتەلدىك نارىققا شىعۋعا دايىن IT-كومپانيالار, ستارتاپتار Astana Hub حالىقارالىق اگەنتتەرىنەن باعىت-باعدار مەن قولداۋ الادى, ولار: الەۋەتتى تاپسىرىس بەرۋشىلەر مەن سەرىكتەستەردى تابۋعا, ينۆەستيتسيالار تارتۋ ءۇشىن ينۆەستورلارمەن كەزدەسۋلەر ۇيىمداستىرۋعا; قالاعان نارىقتارداعى جۇمىستىڭ زاڭدى قىر-سىرىن تۇسىنۋگە; حالىقارالىق IT-فورۋمدار مەن كورمەلەرگە قاتىسۋعا كومەكتەسەدى», دەلىنگەن Astana Hub تاراتقان مالىمدەمەدە.
قازاقستاندىق ستارتاپتار شەتەلدىك ينۆەستورلار ءۇشىن قىزىقتى ءورىس بولىپ تابىلادى. وتاندىق كومپانيالار Tuz Ventures جانە Quest Ventures (سينگاپۋر), Sturgeon Capital ( ۇلىبريتانيا) جانە 500 Startups حالىقارالىق قورى سياقتى يندۋستريا الىپتارىنان قارجىلاندىرۋ تارتتى. Astana Hub ستارتاپتارىمەن تارتىلعان ينۆەستيتسيالاردىڭ جالپى سوماسى 2018 جىلدان باستاپ 48,4 ملرد تەڭگەنى قۇرايدى.
