نۇر-سۇلتان اكىمدىگىنىڭ رەسمي سايتىنىڭ جازۋىنشا, ەسىل اۋدانىندا كارانتين بۇزۋشىلار قاتارىندا «Opus One» كافەسى, «مياتا» لاۋندج-بارى, «Teqila» بارى بار.
سارىارقا اۋدانىندا ورنالاسقان «بەرلين» جانە «نا مانگالە» كافەلەرىندە كارانتين ساقتالعان جوق.
بايقوڭىر اۋدانىنداعى «Respawn» كومپيۋتەرلىك كلۋبىنىڭ اكىمشىلىگى دە باس سانيتاردىڭ قاۋلىسىنداعى ەرەجەلەرگە باعىنباعان.
الماتى اۋدانىندا بەلگىلەنگەن جۇمىس رەجيمىن «شامپۋروك» كافەسى مەن «مياتا» بارى ەلەمەدى.
ءتارتىپ بۇزۋشىلارعا قاتىستى جينالعان ماتەريالدار اكىمشىلىك شارالار قابىلداۋ ءۇشىن سانيتاريالىق-ەپيدەميولوگيالىق باقىلاۋ سالاسىنداعى ءتيىستى ۋاكىلەتتى ورگاندارعا تاپسىرىلدى.
