زايسانداعى «شىعىس» قۇرىلىس-مونتاج باسقارماسىنىڭ قۇرىلعانىنا شيرەك عاسىرعا تاياۋ ۋاقىت ءوتىپتى. ونى ءوز ءىسىنىڭ بىلگىر مامانى قۋاتبەك ءابجانوۆ باسقارادى. قازىرگى تاڭدا ۇجىمدا 500 ادام ەڭبەك ەتەدى. اتالمىش قۇرىلىس كومپانياسى بۇگىنگە دەيىن اۋداندا جانە ودان تىسقارى جەرلەردە ونداعان عيماراتتاردى پايدالانۋعا بەردى. ولاردىڭ قاتارىندا زايسانداعى 60 پاتەرلى تۇرعىن ءۇي, كارىز جۇيەسى, كوپىر, باسقا دا قۇرىلىس نىساندارى بار. بۇگىنگى كۇنى «قولجەتىمدى باسپانا» باعدارلاماسى بويىنشا ۇجىم 60 پاتەرلى ەكى تۇرعىن ءۇيدىڭ, 300 ورىندىق جاتاقحانانىڭ قۇرىلىسىن سالىپ جاتىر. ولار وسى مەكەمەدە ەڭبەك ەتەتىن جۇمىسشىلارعا جانە الەۋمەتتىك جاعىنان از قامتىلعان وتباسىلار مەن كەزەكتە تۇرعاندارعا بەرىلمەك. «زايسان سۋلارى» مەكەمەسى شىعارىپ جاتقان رودون سۋىنىڭ اتاعى الىسقا كەتكەن. ونىڭ سىرتىندا باسقارمانىڭ ءوز شارۋا قوجالىعى بار, ولار وندىرگەن ەت, ءسۇت ونىمدەرى ارزان باعامەن ساۋدالانۋدا.
زايسانداعى «شىعىس» قۇرىلىس-مونتاج باسقارماسىنىڭ قۇرىلعانىنا شيرەك عاسىرعا تاياۋ ۋاقىت ءوتىپتى. ونى ءوز ءىسىنىڭ بىلگىر مامانى قۋاتبەك ءابجانوۆ باسقارادى. قازىرگى تاڭدا ۇجىمدا 500 ادام ەڭبەك ەتەدى. اتالمىش قۇرىلىس كومپانياسى بۇگىنگە دەيىن اۋداندا جانە ودان تىسقارى جەرلەردە ونداعان عيماراتتاردى پايدالانۋعا بەردى. ولاردىڭ قاتارىندا زايسانداعى 60 پاتەرلى تۇرعىن ءۇي, كارىز جۇيەسى, كوپىر, باسقا دا قۇرىلىس نىساندارى بار. بۇگىنگى كۇنى «قولجەتىمدى باسپانا» باعدارلاماسى بويىنشا ۇجىم 60 پاتەرلى ەكى تۇرعىن ءۇيدىڭ, 300 ورىندىق جاتاقحانانىڭ قۇرىلىسىن سالىپ جاتىر. ولار وسى مەكەمەدە ەڭبەك ەتەتىن جۇمىسشىلارعا جانە الەۋمەتتىك جاعىنان از قامتىلعان وتباسىلار مەن كەزەكتە تۇرعاندارعا بەرىلمەك. «زايسان سۋلارى» مەكەمەسى شىعارىپ جاتقان رودون سۋىنىڭ اتاعى الىسقا كەتكەن. ونىڭ سىرتىندا باسقارمانىڭ ءوز شارۋا قوجالىعى بار, ولار وندىرگەن ەت, ءسۇت ونىمدەرى ارزان باعامەن ساۋدالانۋدا.
وبلىس ورتالىعىنان 500 شاقىرىم شالعايدا جاتقان اۋداندا قۇرىلىس ماتەريالدارى كومبيناتىن سالۋ ارمان بولاتىن. شىعىستاعى اۋىلدىق وڭىردە ەڭ ءبىرىنشى بولىپ قۇرىلىس ماتەريالدارى كومبيناتىن سالسام دەگەن ويىن ءوڭىر باسشىسى بەردىبەك ماشبەك ۇلىنا ايتقان كەزدە ول قىزۋ قولداۋ تاپتى. ەندى, مىنە, ىسكەر ازامات ق.ءابجانوۆتىڭ ەرلىگىنە جۇرتشىلىق ءتانتى بولىپ وتىر. باستاپقىدا شالعايداعى اۋدانداعى قۇرىلىس ماتەريالدارىن باسقا جاققا جونەلتۋ ءتيىمدى ەمەس دەگەندەر تابىلعان. ەلىمىزدەگى يندۋستريالىق-يننوۆاتسيالىق باعدارلاماعا ەنگەن قۇرىلىسقا ۇكىمەت «دامۋ» قورى ارقىلى 1 ميلليارد 400 ميلليون تەڭگە قارجى ءبولدى. قۋاتتىڭ جىگىتتەرى ەڭ الدىمەن ۇزىندىعى 9, 10.5, 6 مەترلىك توبەلەردى جاباتىن پليتالار شىعاراتىن تسەحتى پايدالانۋعا بەردى. ونىڭ جانىندا جىلىنا 5 ميلليون كىرپىش شىعاراتىن زاۋىت ورنالاسقان. سونىمەن ىسكە كىرىسكەن قۇرىلىسشىلار وتكەن جىلدان بەرى پليتالار مەن كوپىرگە, تاعان جۇمىستارىنا قاجەت, بارلىعى 153 ءتۇرلى تەمىر-بەتون بۇيىمدارىن شىعارا باستادى. ساپاسى دا جامان ەمەس, كورشى كۇرشىم, تارباعاتاي, كوكپەكتى اۋداندارىنان سۇرانىس تۇسە باستادى.
جاقىندا قۇرىلىس ماتەريالدارى كومبيناتىندا بولۋدىڭ ءساتى ءتۇستى. جانىمىزدا اۋداندىق ءماسليحاتتىڭ حاتشىسى داۋلەت ىدىرىشەۆ, «شىعىس» قۇرىلىس-مونتاج باسقارماسىنىڭ باسشىسى قۋاتبەك زامانبەك ۇلى بار. اتشاپتىرىم تسەح ىشىندە قايناعان قىزۋ ەڭبەك. ارنايى قالىپتارعا قۇيىلعان توبە جاباتىن پليتالار بىرنەشە كۇننەن كەيىن دايىن بولادى ەكەن.
– اۋدان ەكونوميكاسىنىڭ دامۋىنا قۇرىلىس كومبيناتى ۇلكەن ۇلەس قوسا باستادى. 500 ادامعا جۇمىس تاۋىپ بەرىپ, ولاردىڭ الەۋمەتتىك جاعدايىنا دا كوڭىل ءبولىپ, 60 پاتەرلى ەكى تۇرعىن ءۇيدى سالىپ جاتقان قۋات سياقتى ازاماتتار بارشىلىق. 1 ميلليارد 400 ميلليون تەڭگەگە كارىز جۇيەسىن دە سالىپ بىتىرمەك. جاقىندا يتاليادان 410 ميلليون تەڭگەگە ساتىپ العان جاڭا تەحنولوگيا كەلىپ تۇسپەك, – دەيدى اۋداندىق ءماسليحاتتىڭ حاتشىسى داۋلەت نۇرحان ۇلى.
– ەلباسىنىڭ جاقىنداعى قازاقستان حالقىنا جولداۋىندا ەل ەكونوميكاسىن كوتەرۋگە بارلىق ازاماتتاردىڭ ۇلەس قوسۋى قاجەت ەكەنى ايتىلعانى بەلگىلى. ەكونوميكا كۇشەيسە حالىقتىڭ تۇرمىسى جاقسارادى, جۇمىس ورىندارى اشىلادى. بىزدە قازىر 300-دەن استام ادام ەڭبەك ەتەدى, جالاقىلارىن ۋاقتىلى الادى. قۇرىلىس كومپانياسىمەن بىرگە جاساسىپ, ىستىعى مەن سۋىعىنا بىردەي ءتوزىپ كەلە جاتقان قۋات ەلەكەنوۆ, ايدار مۇسابەكوۆ, مالىمبەك مۇسابەكوۆ, باسقالارعا ىستىق ءىلتيپاتىمدى بىلدىرەمىن. اۋدان اكىمى الماس وڭداقانوۆ بىزگە ءجيى كەلىپ, كومەگىن كورسەتىپ تۇرادى. زاۋىت جانىنان ءۇي تەرەزەلەرى مەن ەسىكتەرىن پلاستيكتەن جاسايتىن تسەح جۇمىس ىستەي باستادى. وندا ەڭبەك ەتەتىن دالەلحان, ومارحان, باقىتحان دا ءوز ءىسىن شەبەر مەڭگەرىپ الدى. امانشىلىق بولسا, العا قويعان ماقسات ايقىن, الداعى ۋاقىتتا دا ەكونوميكاسى دامىپ كەلە جاتقان وڭىردەگى قۇرىلىسقا قاجەت تەمىر-بەتون بۇيىمدارىن ساپالى ەتىپ جاساي بەرمەكپىز. زايساندا گاز, كومىر وندىرىلەدى. مۇناي دا جاقىن ارادا ەل يگىلىگىنە جاراماق. جەتپەي تۇرعانى قۇرىلىس ماتەريالدارى كومبيناتى ەدى, ول دا جۇمىس ىستەي باستادى, – دەيدى قۋاتبەك زامانبەك ۇلى.
وڭداسىن ەلۋباي,
«ەگەمەن قازاقستان».
شىعىس قازاقستان وبلىسى,
زايسان اۋدانى.
سۋرەت اۆتوردىكى.
