«بۇگىن ساعات 7.36-دا «102» ارناسىنا «تۇلپار» ساۋدا ۇيىندە ءورت شىعىپ جاتقانى تۋرالى قوڭىراۋ ءتۇستى. جاقىن ماڭداعى تاراز جانە ءۋاليحانوۆ, سەيفۋللين كوشەسىنەن بوگەنباي باتىر داڭعىلىنا دەيىنگى كوشەلەر قورشالدى. ەلوردا تۇرعىندارى مەن قوناقتارىن اتالعان ۋچاسكەگە بارۋدان باس تارتۋلارىڭىزدى سۇرايمىز», دەلىنگەن حابارلامادا.
ءورت ورنىنا ارنايى تەحنيكا جۇمىلدىرىلدى. ءورتتىڭ سەبەبى انىقتالۋدا.
كەلتىرىلگەن زالالدىڭ مولشەرىن انىقتاۋ ءۇشىن قۇرامىندا اكىمدىك وكىلدەرى مەن ساۋدا ءۇيىنىڭ باسشىلىعى بار جەدەل شتاب قۇرىلدى.
«قازىرگى ۋاقىتتا زارداپ شەككەندەر تۋرالى پوليتسياعا حابارلاما تۇسكەن جوق. قىلمىستىق ءىس قوزعالىپ, تەرگەۋ جۇرگىزىلۋدە», دەپ قورىتىندىلادى پد.
ەسكە سالا كەتسەك, تاڭەرتەڭ ەلورداداعى ءىرى ساۋدا ۇيىنەن ءورت شىقتى. ءورتتى سوندىرۋگە تجد جەكە قۇرامىنان 19 تەحنيكا مەن 71 ادام جۇمىلدىرىلدى.
