كورمەدە بىرەگەي فوتوسۋرەتتەر, تاريحي قۇجاتتار, ونىڭ ىشىندە قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ پوليگوندى جابۋ تۋرالى جارلىعى, سونىمەن قاتار سۋرەتشى, يادرولىق قارۋعا قارسى حالىقارالىق قوزعالىستىڭ بەلسەندىسى كارىپبەك كۇيىكوۆتىڭ سۋرەتتەرى ۇسىنىلعان.
اشىلۋ راسىمىنە يوردان جۇرتشىلىعىنىڭ, ديپلوماتيالىق كورپۋستىڭ, ساراپشىلار توبىنىڭ جانە قازاق دياسپوراسىنىڭ وكىلدەرى قاتىستى.
«قازاقستاننىڭ يوردانياداعى ەلشىسى ايداربەك تۇماتوۆ ءوزىنىڭ قۇتتىقتاۋ سوزىندە قر تۇڭعىش پرەزيدەنتى – ەلباسى نۇرسۇلتان نازارباەۆتىڭ سەمەي سىناق پوليگونىن جابۋ تۋرالى تاريحي شەشىمى, قازاقستاننىڭ يادرولىق قارۋدان ازات الەم قۇرۋعا باعىتتالعان جانە سونىڭ اياسىندا 29 تامىز حالىقارالىق يادرولىق سىناقتارعا قارسى ءىس-قيمىل كۇنى بولىپ جاريالانعان يادرولىق قارۋعا قارسى باستامالارى تۋرالى حاباردار ەتتى», دەپ جازادى ءسىم ءباسپاسوز قىزمەتى.
