جولداۋدا ايتىلعان مىندەتتەردى جەرگىلىكتى جەرلەردە ىسكە اسىرۋ جولدارىن ناقتىلاۋ ماقساتىندا وڭتۇستىك قازاقستان وبلىسى اكىمدىگىندە جيىن ءوتتى.
جولداۋدا ايتىلعان مىندەتتەردى جەرگىلىكتى جەرلەردە ىسكە اسىرۋ جولدارىن ناقتىلاۋ ماقساتىندا وڭتۇستىك قازاقستان وبلىسى اكىمدىگىندە جيىن ءوتتى.
مەملەكەت باسشىسى جولداۋدا شاعىن جانە ورتا بيزنەس كولەمىن 2050 جىلعا قاراي ەلىمىزدىڭ ىشكى جالپى ءونىمىنىڭ 50 پايىزىن قامتاماسىز ەتەتىن دەڭگەيگە جەتكىزۋ قاجەت دەدى. وبلىسىمىزدىڭ بۇل سالاداعى تابىستارى جىل ساناپ ارتۋدا. بيىل وبلىس نارىعىندا بەلسەندى جۇمىس ىستەيتىن شاعىن بيزنەس سۋبەكتىلەرىنىڭ سانى 125,8 مىڭ بىرلىكتى قۇرادى. ال, ولار وندىرگەن ءونىم 534,1 ملرد. تەڭگەنى قۇراپ, جۇمىسپەن قامتىلعاندار 279,6 مىڭ ادامعا جەتتى.
«بيزنەستىڭ جول كارتاسى-2020» باعدارلاماسى اياسىندا كاسىپكەرلىكتى قولداۋ ءۇشىن قازىنادان 6,9 ملرد. تەڭگە قاراستىرىلدى. بۇل تۇرعىدا وبلىسىمىزدىڭ ەلباسى تاپسىرماسىن ورىنداۋدا مۇمكىندىگى مول. جولداۋدا ايتىلعان الەۋمەتتىك سالاعا قاتىستى مىندەتتەر وڭىرىمىزدە جوسپارعا ساي جۇزەگە اسادى. وسى جىلى 107 ءبىلىم نىسانىنىڭ قۇرىلىسىنا 32,4 ملرد. تەڭگە قارجى ءبولىندى. جىل سوڭىنا دەيىن 50 نىسان ەل يگىلىگىنە بەرىلەدى. وسىلايشا, 28 اپاتتى, 3 ءۇش اۋىسىمدى مەكتەپتىڭ ماسەلەسى شەشىلەدى.
دەنساۋلىق ساقتاۋ سالاسىندا جاڭا 42 نىسان سالىنادى. 2014 جىلى وبلىس اۋماعىنداعى مۇگەدەكتەرگە كورسەتىلەتىن الەۋمەتتىك قولداۋدى جاقسارتۋ ءۇشىن 1,2 ملرد. تەڭگە قارجى قاراستىرىلدى. سونداي-اق, سارىاعاش, ماقتاارال, سايرام, تۇلكىباس اۋداندارىندا مۇگەدەكتەرگە الەۋمەتتىك قىزمەت كورسەتۋ ورتالىقتارى اشىلادى. جولداۋداعى شىمكەنتتىڭ ءىرى قالالار اگلومەراتسياسىنا ەنگىزىلىپ, زاماناۋي ۋربانيستىك ورتالىققا اينالۋى وڭتۇستىكقازاقستاندىقتارعا زور مىندەت جۇكتەيدى. بۇل باعىتتا ناقتى جۇمىستار جاسالۋدا, وبلىس ورتالىعىنا 40 ەلدى مەكەن قوسىلىپ, حالىق سانى 145 مىڭعا ارتىپ وتىر.
«جاڭا جولداۋ قازاقستاننىڭ جاڭا بەلەستەردى باعىندىرۋىنا, جوعارى ەكونوميكالىق كورسەتكىشتەرگە قول جەتكىزىپ, قارقىندى دامىعان مەملەكەتكە اينالۋىنا جول اشادى. جەرلەستەرىمىز ەجەلدەن ەڭبەكقورلىعىمەن, تاتۋلىعىمەن, باسەكەگە قابىلەتتىلىگىمەن تانىمال. بۇل جۇكتەلگەن جاڭا مىندەتتەردىڭ ورىندالۋىنا ۇلكەن نەگىز بولادى», دەدى وبلىس اكىمى ا.مىرزاحمەتوۆ. حالقى ەڭبەكشىل ەلدىڭ ەكونوميكاسى ءورىستى, قوعامى تۇراقتى, تۇرمىسى ءتۇزۋ بولاتىنى بەلگىلى. بۇگىنگى جاھاندانۋ ءداۋىرى ءجۇرىپ, تەحنيكالىق دامۋ ۇدەرىستەرى قارقىن العان كەزەڭدە الدىمىزعا ستراتەگيالىق ماقساتتار قويىپ, الەمدە وزىندىك ورنى, اسقاق بەدەلى بار مەملەكەت قۇرۋ – باستى مىندەت. مەملەكەت باسشىسى جاريالاعان ساياسي قۇجاتتىڭ ءمانى دە وسىندا.
قازاقستاندىقتار ءبىر يدەياعا توپتاسىپ, ورتاق ماقسات پەن مۇددە ءۇشىن, كەمەل كەلەشەك ءۇشىن ەڭبەك ەتەرى ءسوزسىز.
ورالحان ءداۋىت,
«ەگەمەن قازاقستان».
وڭتۇستىك قازاقستان وبلىسى.
