قازاقستان • 31 تامىز، 2021

Nur Otan مينيسترلەردىڭ قابىلداۋ كەستەسىن جاريالادى

Nur Otan پارتياسى ورتالىق مەملەكەتتىك ورگاندار باسشىلارىنىڭ قىركۇيەك ايىندا ازاماتتاردى قابىلداۋ كەستەسىن جاريالادى. كارانتيندىك شەكتەۋلەر ەسكەرىلە وتىرىپ، ولار رەسپۋبليكالىق قوعامدىق قابىلداۋ بولمەسى الاڭىندا ونلاين-فورماتتا وتەدى، دەپ حابارلايدى Egemen.kz پارتيانىڭ ءباسپاسوز قىزمەتىنە سىلتەمە جاساپ.

جانبولات كەنجەعۇل

سونىمەن، 1 قىركۇيەكتە ازاماتتاردى قابىلداۋدى قارجى نارىعىن رەتتەۋ جانە دامىتۋ اگەنتتىگى توراعاسىنىڭ ورىنباسارى نۇرلان ءابدىرامانوۆ، 3 قىركۇيەكتە – باسەكەلەستىكتى قورعاۋ جانە دامىتۋ اگەنتتىگى توراعاسىنىڭ ورىنباسارى مارات وماروۆ، 8 قىركۇيەكتە – «اتامەكەن» ۇلتتىق كاسىپكەرلەر پالاتاسىنىڭ باسقارما توراعاسىنىڭ ورىنباسارى شىڭعىس تەمىر وتكىزەدى.

ازاماتتاردى پارتيا الاڭىندا 10 قىركۇيەكتە ءبىلىم جانە عىلىم ءمينيسترى اسحات ايماعامبەتوۆ، 15 قىركۇيەكتە – اۋىل شارۋاشىلىعى ءمينيسترىنىڭ م.ا. ەربول قاراشوكەەۆ، 22 قىركۇيەكتە – اقپارات جانە قوعامدىق دامۋ ۆيتسە-ءمينيسترى كەمەلبەك ويشىباەۆ، 24 قىركۇيەكتە – يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ پەن ەڭبەك جانە حالىقتى الەۋمەتتىك قورعاۋ ءبىرىنشى ۆيتسە-ءمينيسترى اقمادي سارباسوۆ، 29 قىركۇيەكتە – ادىلەت ءمينيسترى مارات بەكەتاەۆ، 30 قىركۇيەكتە – دەنساۋلىق ساقتاۋ ءمينيسترى الەكسەي تسوي قابىلدايدى.

قابىلداۋعا جازىلۋ ءۇشىن:
1. Call-ورتالىق: 8 800 080 4441 (قازاقستان بويىنشا قوڭىراۋ شالۋ تەگىن);
2. WhatsApp: 8 700 800 4441;
3. [email protected]

ايتا كەتۋ كەرەك، جىل باسىنان بەرى پارتيانىڭ قوعامدىق قابىلداۋ بولمەلەرىنە 103 مىڭ ازامات ءوتىنىش ءبىلدىرىپ، پارتيا مۇشەسى بولىپ تابىلاتىن مەملەكەتتىك ورگانداردىڭ باسشىلارى 20 مىڭعا جۋىق قابىلداۋ وتكىزدى.

تالداۋ كورسەتكەندەي، وتىنىشتەردىڭ باسىم بولىگى الەۋمەتتىك قامسىزداندىرۋ، تۇرعىن ءۇي-كوممۋنالدىق شارۋاشىلىق، تۇرعىن ۇيمەن قامتاماسىز ەتۋ ماسەلەلەرىمەن بايلانىستى. بۇگىندە 103 مىڭ ءوتىنىشتىڭ 43%-ى جەدەل شەشىلىپ، 54%-ى بويىنشا كونسۋلتاتيۆتىك، قۇقىقتىق جانە باسقا دا كومەك كورسەتىلدى، قالعان 3%-ى ورىندالۋ ۇستىندە.

سونداي-اق رەسپۋبليكالىق قوعامدىق قابىلداۋ بولمەسى الاڭىندا زاڭگەرلەرمەن، ادۆوكاتتارمەن، مەدياتورلارمەن جانە نوتاريۋستارمەن اقىسىز كونسۋلتاتيۆتى ونلاين كەزدەسۋلەر ۇيىمداستىرىلدى. وعان جوعارىدا كورسەتىلگەن بايلانىستار ارقىلى جازىلۋعا بولادى.