ءمينيستردىڭ وتستاۆكاعا ءوتىنىش بەرۋىنە 26 تامىزدا جامبىل وبلىسىنىڭ بايزاق اۋدانىنداعى اسكەري ءبولىم قويمالارىنىڭ بىرىندەگى جويقىن جارىلىس سەبەپ بولعان سىڭايلى. سوڭعى مالىمەت بويىنشا, جامبىل وبلىسىنداعى جارىلىستان 15 ادام قازا تاپقان.
«قازىرگى ۋاقىتتا باستى ماقساتىم - اپاتتىڭ سالدارىن تەز ارادا جويۋ. ال سىزدەردى وتستاۆكا ماسەلەسى قىزىقتىراتىن بولسا, وندا مەن وسى حاباردى ەستىگەننەن كەيىن ءبىرىنشى مينۋتتا ءوزىم ءۇشىن شەشىم قابىلدادىم. مەن وتستاۆكاعا ءوتىنىش بەرەمىن, وتساۆكاعا جىبەرۋىن سۇرايمىن. ال قالعانىن جوعارعى باسشىلىق شەشەدى», دەگەن بولاتىن نۇرلان ەرمەكباەۆ بۇعان دەيىنگى سۇحباتىندا.
