«بارشا قازاقستاندىقتاردى اتاۋلى مەرەكەمىز – كونستيتۋتسيا كۇنىمەن شىن جۇرەكتەن قۇتتىقتايمىن!
وسىدان تۋرا 26 جىل بۇرىن – 1995 جىلى 30 تامىزدا جالپىحالىقتىق رەفەرەندۋم ارقىلى پرەزيدەنتتىك باسقارۋ فورماسىنداعى بۇگىنگى زايىرلى, قۇقىقتىق جانە دەموكراتيالىق مەملەكەتىمىزدىڭ نەگىزىن قالاعان اتا زاڭىمىز قابىلدانعان ەدى. بۇل جاڭادان قۇرىلعان جاس مەملەكەتىمىز ءۇشىن دە, تاۋەلسىزدىك جاۋاپكەرشىلىگىنىڭ تاريحي جۇگىن سەزىنگەن ازاماتتار ءۇشىن دە سىندارلى كەزەڭ بولدى. ۋاقىت كورسەتكەندەي سول كەزدەگى حالىق تاڭداۋى بۇگىنگى جەمىستى ناتيجەسىن كورسەتىپ وتىر.
سودان بەرى شيرەك عاسىردان استام ۋاقىت اتا زاڭىمىز ازاماتتارىمىزدىڭ قۇقىعى مەن بوستاندىعىن قورعاپ, قوعامنىڭ دەموكراتيالىق قاعيدالار نەگىزىندە دامۋىن قامتاماسىز ەتىپ كەلەدى. ەگەر تاۋەلسىزدىك – مەملەكەتىمىزگە الەمدىك قاۋىمداستىقپەن تەرەزەسى تەڭ دارەجە ارەكەت ەتۋگە مۇمكىندىك بەرسە, كونستيتۋتسيا – وسى مەملەكەتتىڭ ءاربىر ازاماتىنىڭ ءوز قۇقىعىن قورعاپ, ونداعى ادام ءومىرىنىڭ ەڭ جوعارعى قۇندىلىق ەكەندىگىنە كەپىلدىك بەرەدى.
سوندىقتان قازاقستان رەسپۋبليكاسىنىڭ كونستيتۋتسياسى كۇنى – بۇل تۇراقتى دا تياناقتى دامۋدىڭ بەلگىسى. پاندەميا – قازىر قوعام ءۇشىن كۇردەلى دە اۋىر كەزەڭ بولىپ وتىر. دەگەنمەن, تاجىريبە كورسەتكەندەي, حالقىمىزدىڭ ۋاقىت سىناعىنان وتكەن مىزعىماس بىرلىگى مەن قامقور تىرلىگى بۇل قيىندىقتى دا ناتيجەلى ەڭسەرۋگە مۇمكىندىك بەرەدى دەپ سەنەمىن.
بيىل ىشكى ساياسي تۇراقتىلىق پەن ۇلتارالىق تاتۋلىقتىڭ نەگىزىندە ەلدىگىمىزدىڭ ەڭسەسىن تىكتەپ, ىرگەسىن بەكىتىپ كەلە جاتقان ەل تاۋەلسىزدىگىنىڭ 30 جىلدىعى. بۇل ءبىزدىڭ باعا جەتپەس باستى قۇندىلىعىمىز. جارقىن كەلەشەك پەن باياندى بولاشاق قالىپتاستىرۋدىڭ وسى جولىندا ءبىز الدا دا ايانباي ەڭبەك ەتىپ, قاشاندا ءبىر تۋدىڭ استىندا بىرىگە ءبىلۋىمىز قاجەت.
كونستيتۋتسيا كۇنى قۇتتى بولسىن!», دەپ جازدى مينيستر ءوزىنىڭ Facebook پاراقشاسىندا.
