بۇگىن ساعات 12.05-تە «102» پۋلتىنە «ورتالىق امبەباپ دۇكەن» ساۋدا ۇيىنە بومبا قويىلعانى تۋرالى حابارلاما كەلىپ ءتۇستى. وقيعا ورنىنا بارلىق مامانداندىرىلعان قىزمەتتەر جىبەرىلدى. عيماراتتان 80-گە جۋىق ادام ەۆاكۋاتسيالاندى.
«پوليتسيا قىزمەتكەرلەرى عيماراتقا تەكسەرۋ جۇرگىزدى, جارىلعىش زاتتار تابىلعان جوق. ساعات 13.00-دە دوعارۋ كومانداسى بەرىلدى. قازىرگى ۋاقىتتا قوڭىراۋ شالۋشى انىقتالىپ, ۇستالدى. ول 30 جاستاعى قالا تۇرعىنى بولىپ شىقتى», دەپ حابارلادى قاراعاندى وبلىسى پد ءباسپاسوز قىزمەتى.
اتالمىش فاكتى بويىنشا قىلمىستىق كودەكستىڭ 273-بابىنا سايكەس قىلمىستىق ءىس تىركەلىپ, وقيعانىڭ ءمان-جايىن انىقتاۋ ءۇشىن سوتقا دەيىنگى تەرگەۋ باستالدى.
