تاعى ەكى iPhone12 جانە باسقا دا باعالى سىيلىقتاردىڭ سەگىزىنشى ۇتىس ويىنى 28 تامىزدا ساعات 17:00-دە نۇر-سۇلتان قالاسى اكىمدىگىنىڭ الەۋمەتتىك جەلىلەردەگى بەتتەرىندە تىكەلەي ەفيردە ءوتتى.
8-ءشى ۇتىس ويىنىنا 21 تامىز بەن 27 تامىز ارالىعىندا ۆاكتسيناتسيالانعاندار قاتىستى. ۆاكتسينالانعاندار اراسىندا باعالى جۇلدەلەردىڭ ۇتىس ويىندارى اپتا سايىن وتكىزىلەدى. بۇل ۇتىس ويىندارىنا ۆاكتسيناتسيالاۋدىڭ بارلىق پۋنكتتەرى قاتىسادى: مەديتسينالىق مەكەمەلەردە دە, سوو/تد-دا دا. ۇتىس ويىنىنا قاتىسۋ اۆتوماتتى تۇردە جۇرگىزىلەدى.
بۇرىن ۆاكتسيناتسيالانعانداردىڭ اراسىندا سوڭعى ۇلگىدەگى 17 iPhone, 5 توڭازىتقىش, 3 تەلەديدار, 2 پلانشەت, 4 ميكروتولقىندى پەش, 5 پرينتەر, 2 DVR, كىر جۋعىش ماشينا, «اليسا» اقىلدى ديناميكتەرى مەن ىلعالداندىرعىش ويناتىلدى.
ۇتىس ويىنىنىڭ جەڭىمپازدارىن انىقتاۋ ءۇشىن Birge پلاتفورماسىندا ارنايى راندومايزەر سەرۆيسى ورناتىلعان, ول جۇلدە يەلەرىن ۆاكتسيناتسيالانعان ID گەنەراتسياسىمەن تاڭدايدى.
