قازاقستان • 28 تامىز، 2021

قازاقستاندا Enbek Skills پورتالى ىسكە قوسىلدى

83 رەت كورسەتىلدى

ەڭبەك داعدىلارىن جەتىلدىرۋ ءۇشىن قر ەڭبەك جانە حالىقتى الەۋمەتتىك قورعاۋ مينيسترلىگى Enbek Skills پورتالىن ىسكە قوستى. بۇل تۋرالى ۆەدومستۆونىڭ ۆيتسە-ءمينيسترى ەرجان ءبىرجانوۆ ءمالىم ەتتى، دەپ حابارلايدى Egemen.kz.

وتكەن جىلى ەڭبەك مينيسترلىگى Coursera-مەن بىرگە تەگىن كۋرستارعا قول جەتكىزدى. قازاقستاندىقتار بەس اي بويى الەمدىك الىپتار ۇسىنعان كۋرستارىن وقۋعا مۇمكىندىك الدى. ناتيجەسىندە بەس مىڭنان استام ادام وقۋدان ءوتىپ، سەرتيفيكاتتارىن العان.

«وسى پلاتفورمانىڭ مىسالىندا «Enbek Skills» دەگەن پلاتفورما ىسكە قوسىلدى. بۇگىنگى تاڭدا 100-دەن استام اۆتور وزدەرىنىڭ وقۋ كۋرستارىن سايتقا ورنالاستىردى. كۋرستاردى ونلاين رەجيمىندە وتۋگە بولادى. كۋرستى اياقتاعاننان كەيىن تىڭداۋشى داعدىلاردى يگەرۋ تۋرالى سەرتيفيكات الادى. بۇل دەرەكتەر اۆتوماتتى تۇردە ولاردىڭ تۇيىندەمەلەرىندە تىركەلەدى. ەگەر جۇمىس بەرۋشى وپەراتوردى نەمەسە اناليتيكتى ىزدەيتىن بولسا، ءبىز بىردەن تيىستى داعدىلارعا يە مامانداردى ۇسىنا الامىز. ونىڭ ۇستىنە، ەلەكتروندى ەڭبەك بيرجاسىندا جاساندى ينتەللەكت قۇرالدارى ەنگىزىلۋدە»، دەپ ءتۇسىندىردى ەڭبەك ۆيتسە-ءمينيسترى.

ۆەدومستۆو جىل سوڭىنا دەيىن كەم دەگەندە 5 مىڭ ادامدى وقىتۋدى جوسپارلاپ وتىر. قازىردىڭ وزىندە مىڭ ادام كۋرستاردان ءوتىپ ۇلگەردى.

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار