جيىنعا دەنساۋلىق ساقتاۋ ءبىرىنشى ۆيتسە-ءمينيسترى مارات شورانوۆ, قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ پەن قالانىڭ مەديتسينالىق ۇيىمدارىنىڭ باسشىلارى قاتىستى.
قالا اكىمىنىڭ ورىنباسارى 2021 جىلدىڭ II جارتىجىلدىعىنا قالالىق دەنساۋلىق ساقتاۋ سالاسىنىڭ الدىنا بىرقاتار مىندەتتەر قويدى. ءبىرىنشى كەزەكتە كوروناۆيرۋستىق ينفەكتسياعا قارسى جاپپاي ۆاكتسيناتسيالاۋدى اياقتاۋ, دەنساۋلىق ساقتاۋ جۇيەسىنىڭ ينفراقۇرىلىمىن ودان ءارى دامىتۋ, كادر تاپشىلىعىن ازايتۋ, دەنساۋلىق ساقتاۋدى دامىتۋدىڭ 2020-2025 جىلدارعا ارنالعان مەملەكەتتىك باعدارلاماسىن ىسكە اسىرۋ, ءمامس جۇيەسىندە مەديتسينالىق كومەك كورسەتۋ ماسەلەلەرى تۇر.
وتىرىس بارىسىندا اسحات ورالوۆ انا ءولىمىن ازايتۋدىڭ وڭ ءۇردىسىن اتاپ ءوتتى.
«جۇمىستى وسىنداي قارقىنمەن جالعاستىرۋ كەرەك. قاۋىپ-واتەردىڭ الدىن الۋ شارالارىن كۇشەيتىپ, مەديتسينا قىزمەتكەرلەرىنىڭ بىلىكتىلىگىن ۇزدىكسىز ارتتىرۋ پروتسەسىن جەتىلدىرۋ قاجەت», دەپ اتاپ ءوتتى قالا باسشىسىنىڭ ورىنباسارى.
دەنساۋلىق ساقتاۋ ۆيتسە-ءمينيسترى دە بىرقاتار كورسەتكىشتەر بويىنشا وڭ ديناميكانى نازارعا الدى.
«نۇر-سۇلتان قالاسىندا كورسەتكىشتەر بويىنشا وڭ ديناميكا بايقالادى. اتاپ ايتقاندا, بالالار اراسىندا سەمىزدىك اۋىرۋى ازايدى, مەديتسينالىق ۇيىمداردى قاجەتتى تەحنيكامەن جابدىقتاۋ دەڭگەيى ارتتى, مەديتسينالىق ۇيىمدار عيماراتتارىنىڭ توزۋ دەڭگەيى تومەندەدى, دەنساۋلىق ساقتاۋداعى جەكە ينۆەستيتسيالاردىڭ ۇلەسى ارتتى. دەسە دە, قان اينالىمى جۇيەسى اۋرۋلارى مەن جاراقاتتاردان بولاتىن ءولىم-ءجىتىمنىڭ وسۋىنە ەرەكشە نازار اۋدارۋ قاجەت», دەپ اتاپ ءوتتى مارات شورانوۆ.
قالالىق دەنساۋلىق ساقتاۋ باسقارماسىنىڭ باسشىسى ءوز ەسەبىندە العاشقى مەديتسينالىق-سانيتارلىق كومەك كورسەتەتىن مەديتسينالىق ۇيىمعا تىركەلۋ ماسەلەسىنە توقتالدى.
«اتالعان مەملەكەتتىك قىزمەتتى قاتاڭ تۇردە قولدانىستاعى نورماتيۆتىك قۇقىقتىق اكتىلەرگە سايكەس كورسەتۋدى جانە ونى كورسەتۋ مەرزىمدەرىن بۇزۋ جانە نەگىزسىز باس تارتۋ فاكتىلەرىنە جول بەرمەۋدى قامتاماسىز ەتۋ قاجەت. سوڭعىلارى بارىنشا دالەلدى بولۋى ءتيىس», دەدى تيمۋر مۇراتوۆ.
وتىرىس سوڭىندا قالا اكىمىنىڭ ورىنباسارى ۆاكتسيناتسيا پاسپورتتارىن بۇرمالاۋ فاكتىلەرىن باقىلاۋعا الۋدى تاپسىردى.
