وقيعا • 27 تامىز، 2021

سولتۇستىك قازاقستاندا ءسىبىر جاراسىنىڭ وشاعى انىقتالدى

89 رەت كورسەتىلدى

بۇل – جانۋارلار مەن ادامدار ءۇشىن اسا قاۋىپتى جۇقپالى اۋرۋ، دەپ جازادى Egemen.kz سقو سانيتاريالىق-ەپيدەميولوگيالىق باقىلاۋ دەپارتامەنتىنىڭ رەسمي سايتىنا سىلتەمە جاساپ.

قارا مالدان كۇيدىرگى اۋرۋىن جۇقتىرعان اقجار اۋدانىنا قاراستى گوركوۆسكوە اۋىلىنىڭ تۇرعىنى اۋرۋحاناعا جاتقىزىلدى.

ءسىبىر جاراسىنىڭ وشاعى تىركەلگەن اقجار اۋدانىنداعى گوركوۆسكوە ەلدى مەكەنىندە كارانتيندىك شارالار قولعا الىندى. سىرقاتپەن قارىم-قاتىناس جاساعان 57 ادام دارىگەرلەر باقىلاۋىندا. ولار ەكى اپتا بويى كۇن سايىن كلينيكالىق تەكسەرۋدەن وتەدى. ناۋقاستىڭ قاۋىپتى دەرتتى قارا مالدان جۇقتىرعانى بەلگىلى بولدى.

«اقجار اۋدانى گوركي اۋىلىنىڭ تۇرعىنى مەديتسينالىق مەكەمەگە قولىنىڭ ۇشى ءىسىپ، تەرىسى سارعايىپ، ۇلدىلەپ قالعانىنا شاعىمدانعان. ناۋقاستىڭ ايتۋىنشا، بۇل بەلگىلەر تۇندە بايقالا باستاعان. ول اۋرۋحاناعا جاتقىزىلدى. پتر ادىسىمەن زەرتتەۋ كەزىندە كۇيدىرگى اۋرۋىنىڭ قوزدىرعشىنىڭ دنك-سى انىقتالعان. اۋرۋ وشاعىندا بايلانىستا بولعان تۇرعىندار انىقتالدى. اۋرۋدىڭ الدىن-الۋ ماقساتىندا ولارعا شۇعىل تۇردە انتيبيوتيكتەر تاعايىندالدى. اۋرۋ وشاعى زالالسىزداندىرىلدى. جەكە شارۋاشىلىقتاردىڭ  بىرىندە قارا مال سويۋ كەزىندە ناۋقاستىڭ قولىندا ەشقانداي دا قورعانىش قۇرالى بولماعانى انىقتالدى. سول كەزدە جۇقتىرىپ العان. بۇل اۋرۋ ادامدار ءۇشىن دە مال ءۇشىن دە اسا قاۋىپتى»، دەيدى سقو سانيتاريالىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى ارمان كۇشباسوۆ.

مونيتورينگ شەڭبەرىندە سقو بويىنشا ۇلتتىق ساراپتاما ورتالىعى فيليالىنىڭ ماماندارى زەرتحانالىق زەرتتەۋ ءۇشىن مال سويىلعان ورنىندا 5 نۇكتەدە توپىراقتىڭ 8 سىناماسىن، سۋدىڭ 1 سىناماسىن، جانۋار ۇستالعان قورشاۋدان 1 سىناماسىن ىرىكتەپ الدى. ماتەريال ساراپتاماعا جىبەرىلدى، ازىرگە ناتيجەسى بەلگىسىز.

سوڭعى جاڭالىقتار

ەرلىككە تولى ەڭبەك

قازاقستان • كەشە

شيراز بۇلب ۇلى

ادەبيەت • كەشە

اتا جۇرتتا

ادەبيەت • كەشە

اباي وبلىسىنىڭ اتى وزدى

ايماقتار • كەشە

ۇقساس جاڭالىقتار