25 تامىزدا قر باس مەملەكەتتىك سانيتاريالىق دارىگەرى «2021-2022 وقۋ جىلىندا ءبىلىم بەرۋ ۇيىمدارىندا كوروناۆيرۋس ينفەكتسياسىنىڭ الدىن الۋ بويىنشا سانيتاريالىق-ەپيدەمياعا قارسى جانە سانيتاريالىق-پروفيلاكتيكالىق ءىس-شارالاردى جۇرگىزۋ تۋرالى» № 36 قاۋلىعا قول قويدى, سونىڭ نەگىزىندە بۇگىن ءوڭىردىڭ مەملەكەتتىك باس سانيتار دارىگەرىنىڭ جاڭا قاۋلىسى شىقتى.
قاۋلى بويىنشا: 1) 2021-2022 وقۋ جىلىندا بارلىق مەنشىك نىسانىنداعى جانە ۆەدومستۆولىق باعىنىستاعى ءبىلىم بەرۋ ۇيىمدارىندا شتاتتىق فورماتتا وقىتۋعا رۇقسات ەتىلدى, بۇل مىناداي جاعدايلاردا مەكتەپكە دەيىنگى مەكەمەلەرگە دە قاتىستى:
- پەداگوگتەر مەن پەرسونالدىڭ 100 % ۆاكتسيناتسياسى (تۇراقتى مەديتسينالىق قارسى كورسەتىلىمدەرى بار, ساۋىققاننان كەيىن 3 اي ىشىندە COVID-19 اۋىرىپ جازىلعان ادامداردى قوسپاعاندا);
- ۇيىمعا كىرۋ كەزىندە Ashyq قوسىمشاسىن ەنگىزۋ (پەداگوگتاردى, پەرسونالدى, اتا-انالاردى (زاڭدى وكىلدەردى), 18 جانە ودان جوعارى جاستا وقيتىن كەلۋشىلەردى QR-كود بويىنشا تىركەۋ;
- ماسكا رەجيمىن ساقتاۋ; - سانيتايزەر, انتيسەپتيك, دەزينفەكتسيالاۋشى جانە جۋعىش زاتتاردىڭ جەتكىلىكتى سانىن قامتاماسىز ەتۋ;
- ءۇي-جايلاردى تازالاۋ مەن دەزينفەكتسيالاۋ جيىلىگىن ارتتىرۋ;
- ءۇي-جايلاردى دىمقىل تازالاۋ مەن دەزينفەكتسيالاۋ, ءۇي-جايداعى اۋانى جەلدەتۋ جانە دەزينفەكتسيالاۋ رەجيمىنە قويىلاتىن تالاپتاردى ساقتاۋ;
- مۇعالىمدەرگە, قىزمەتكەرلەرگە جانە وقۋشىلارعا ارنالعان كۇندەلىكتى «كىرىس» سۇزگىسى (بايلانىسسىز تەرمومەتريا);
- بۇقارالىق ءىس-شارالاردى وتكىزۋگە تىيىم سالۋ (مادەني, تارتىپتىك, سىنىپتان تىس جانە اتا -انالار جينالىسى جانە ت.ب.);
- مەكتەپكە دەيىنگى جانە ورتا ءبىلىم بەرۋ ۇيىمدارىندا توپتار مەن سىنىپتاردى بىرىكتىرۋ ارقىلى ءىس -شارالار وتكىزۋگە تىيىم سالۋ;
- زەرتحانالىق, پراكتيكالىق ساباقتاردى قوسپاعاندا, كابينەتتىك وقىتۋ جۇيەسىن بولدىرماۋ;
2) اسحانالاردا اۋا رەتسيركۋلياتورلارى قوندىرعىلارىن پايدالانا وتىرىپ, تاماقتانۋدى ۇيىمداستىرۋعا باقىلاۋدى كۇشەيتۋ;
3) COVID-19-عا قارسى ۆاكتسيناتسيالانعان ستۋدەنتتەردىڭ جاتاقحانالارعا ورنالاسۋىنا (18 جاسقا تولماعان ستۋدەنتتەردى, سونداي-اق تۇراقتى مەديتسينالىق قارسى كورسەتكىشتەرى بار جانە سوڭعى 3 اي ىشىندە COVID-19-بەن اۋىرعان ستۋدەنتتەردى ورنالاستىرۋعا) رۇقسات ەتىلەدى, بوتەن ادامداردىڭ كىرۋىنە تىيىم سالىنادى;
سونىمەن قاتار كارانتيندى ەنگىزۋدىڭ ديففەرەنتسيالدى ءتاسىلى ۇسىنىلادى:
- سىنىپتا (توپتا) COVID -19-دى جۇقتىرۋدىڭ 1 جاعدايى تىركەلگەن كەزدە - سىنىپ (توپ) 14 كۇن بويى ءۇي كارانتينىنە وقشاۋلانادى;
- ءبىر اۋىسىمداعى سىنىپتاردىڭ 30 %-دان استامىندا COVID -19-بەن اۋىرۋ تىركەلگەن جاعدايدا, ورتا ءبىلىم بەرۋ ۇيىمىنىڭ وسى اۋىسىمى 14 كۇنگە ءۇي كارانتينىنە وقشاۋلانادى, بۇل كوللەدجدەر مەن جوعارى وقۋ ورىندارىنىڭ توپتارىنا دا قاتىستى.
