مىسالى, جاقىندا اقسۋ اۋدانىنىڭ پوليتسيا بولىمىنە 55 جاستاعى ەگىنسۋ اۋىلىنىڭ تۇرعىنى قۇنى 300 مىڭ تەڭگە تۇراتىن 5 باس ۇساق مالىن بەلگىسىز بىرەۋلەردىڭ ۇرلاپ كەتكەندىگى تۋرالى ارىزدانعان. جەدەل ۋاكىلدەر جۇرگىزگەن ىزدەستىرۋ شارالارى بارىسىندا سول اۋىلدىڭ 50 جاستاعى تۇرعىنى قىلمىستى جاسادى دەگەن كۇدىككە ىلىنگەن. تەرگەۋ بارىسىندا ۇرى كىناسىن مويىنداعان.
– اتالعان دەرەك بويىنشا قىلمىستىق كودەكستىڭ 188-1-بابىنا سايكەس سوتقا دەيىنگى تەرگەۋ امالدارى جۇرگىزىلۋدە. بۇلتارتپاس ايعاقتاردان كەيىن كۇدىكتى قىلمىسىن تولىعىمەن مويىندادى. كۇدىكتىنىڭ وسىعان ۇقساس وزگە دە قىلمىستارعا قاتىسى بارى تەكسەرىلۋدە, – دەيدى اقسۋ اۋداندىق پوليتسيا باسقارماسىنىڭ باسشىسى, پوليتسيا پودپولكوۆنيگى داۋرەن ساكەنوۆ.
سونداي-اق الاكول اۋدانى پوليتسيا باسقارماسىنىڭ كەزەكشى بولىمىنە قابانباي باتىر اۋىلىنىڭ تۇرعىنى ءبىر باس ۇساق مالىن جايىلىمنان بەلگىسىز بىرەۋلەردىڭ ۇرلاپ كەتكەندىگى تۋرالى جازباشا ارىز تۇسىرگەن ەكەن.
– جەدەل-ىزدەستىرۋ شارالارىن جۇرگىزىپ, سونىڭ ناتيجەسىندە اتالعان قىلمىستى جاسادى دەگەن كۇدىكپەن جابىرلەنۋشىنىڭ 40 جاستاعى اۋىلداسى انىقتالىپ, ۇستالدى. اتالعان دەرەك بويىنشا قىلمىستىق كودەكستىڭ 188-1-بابىنا سايكەس سوتقا دەيىنگى تەرگەۋ امالدارى جۇرگىزىلۋدە. كۇدىكتىنىڭ وسىعان ۇقساس وزگە دە قىلمىستارعا قاتىستىلىعى تەكسەرىلۋدە, – دەيدى الاكول اۋدانىنىڭ باس پوليتسەيى, پودپولكوۆنيك قۋات وسپانوۆ.
ايتپاقشى, جىل باسىنان بەرى جامبىل اۋدانىندا دا مال ۇرلىعى بويىنشا 49 دەرەك تىركەلگەن ەكەن. جۇرگىزىلگەن جەدەل-ىزدەستىرۋ ءىس-شارالارىنىڭ ناتيجەسىندە ۇرلانعان 243 باس مالدىڭ 43 باسى زاڭدى يەلەرىنە قايتارىلعان. ال مال ۇرلىعىنا قاتىستى بۇرىن جاسالعان تاعى 9 قىلمىس اشىلىپتى.
