اتاپ ايتقاندا, جىل باسىنان بەرى جەدەل-تەرگەۋ باعىتى بويىنشا 84 قىلمىستىق ءىس قوزعالعان. ونىڭ 66-ى جەمقورلىق فاكتىسى بويىنشا ورىن العان. ال اۋىر قۇراممەن 56 قىلمىس, اسا اۋىر قۇرام بويىنشا 5 قىلمىس تىركەلگەن. جالپى, وسى ۋاقىت ىشىندە تىركەلگەن سىبايلاس جەمقورلىقا قاتىستى قىلمىستار سانى 78,3 پايىز كورسەتكىشتى قۇراپ وتىر ەكەن.
– ەسەپتى كەزەڭدە قىلمىستىق جاۋاپكەرشىلىككە بارلىعى 147 تۇلعا تارتىلدى. ال قىلمىستىق جاۋاپكەرشىلىككە تارتىلعان 19 باسشىنىڭ قۇرامىندا وبلىستىق ماڭىزى بار 6 باسشى, اۋداندىق دەڭگەيدەگى 7 باسشى, قالالىق دەڭگەيدەگى 5 باسشى جانە 1 اۋىلدىق دەڭگەيدەگى باسشى بار. سونىمەن قاتار وسى ارالىقتا «جۇيەلى» سىبايلاس جەمقورلىقتىڭ 8 فاكتىسى انىقتالدى. كەشەندى ءىس-شارالاردى ىسكە اسىرۋ ناتيجەسىندە 22 ادام اشكەرەلەندى. جالپى سانى 31 قىلمىس تىركەلىپ, 4 قىلمىستىق ءىس سوتقا جولداۋمەن اياقتالدى, 1 ادام سوتتالدى, – دەيدى سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسى بويىنشا دەپارتامەنتى باسشىسىنىڭ ءبىرىنشى ورىنباسارى جاندوس جۇماباەۆ.
جالپى, جىل باسىنان بەرى بارلىق اياقتالعان قىلمىستىق ىستەر بويىنشا كەلتىرىلگەن زالالدىڭ سوماسى 812,5 ملن تەڭگەنى قۇراعان. بۇگىنگە دەيىن 792,1 ملن تەڭگە وتەلىپ, ياعني اياقتالعان قىلمىستىق ىستەر بويىنشا كەلتىرىلگەن زالالدىڭ وتەلۋى 97,5 پايىزعا جەتكەن ەكەن. ال ەسەپتى كەزەڭدە سىبايلاس جەمقورلىققا قاتىستى قۇقىقبۇزۋشىلىق فاكتىسى تۋرالى حابارلاعان نەمەسە سىبايلاس جەمقورلىققا قارسى ءىس-قيمىلدى جۇزەگە اسىرۋعا وزگە دە جولمەن جاردەمدەسكەن وبلىستىڭ ءۇش تۇرعىنىنا 612 570 تەڭگە كولەمىندە ىنتالاندىرۋ اقىسى تولەنىپتى.
