تمد-عا قاتىسۋشى مەملەكەتتەردىڭ قارجى بارلاۋ بولىمشەلەرى باسشىلارىنىڭ قاتىسۋىمەن تەرروريزمدى قارجىلاندىرۋعا قارسى جۇمىس توبىنىڭ وتىرىسى ءوتتى.
«بيىل قازاقستاننان اۋعانستانعا اقشا اعىنى 68%-عا تومەندەگەنى بايقالادى. اقشا اۋدارىمدارىنىڭ نەگىزگى بولىگى ءبىرىنشى قاجەتتىلىكتەگى تاۋارلار مەن كولىك قىزمەتتەرىنىڭ ەكسپورتىنا بايلانىستى. تاۋەكەلدەردى بارىنشا ازايتۋ ءۇشىن اۋعانستاننان بارلىق اقشا اۋدارىمدارىنا جوعارى دارەجەدە باقىلاۋ تاعايىندالدى. وسى تۇرعىدا ەلدەر اراسىندا اقشا اۋدارىمدارىن جۇزەگە اسىراتىن قارجىلىق مونيتورينگ سۋبەكتىلەرىنە مونيتورينگ كۇشەيتىلدى», دەدى ج.ەليمانوۆ.
قارجىلىق مونيتورينگ اگەنتتىگىنىڭ تالابى بويىنشا ەكىنشى دەڭگەيلى بانكتەر مەن تولەم مەكەمەلەرى كليەنتتەر مەن بەنەفيتسيارلىق مەنشىك يەلەرى ءۇشىن تەكسەرۋ شارالارىن كۇشەيتتى.
