وسى مەجەگە جەتۋ ءۇشىن ەلدى مەكەندەرگە ءتيىستى ينفراقۇرىلىمدى جەتكىزۋ بويىنشا جوسپار بەكىتىلىپ, جۇمىستار جۇرگىزىلۋدە.
بۇگىنگى تاڭدا قالا تۇرعىندارىن ورتالىقتاندىرىلعان سۋمەن جابدىقتاۋ كورسەتكىشى 95,6%-دى قۇرايدى. ياعني, قالاداعى 81 ەلدى مەكەننىڭ بەسەۋى كەستەمەن, جەتەۋى تاسىمالدى اۋىزسۋمەن, ال 69-ى ساپالى اۋىزسۋمەن قامتاماسىز ەتىلگەن.
«وسى جىلى 3 ماگيسترالدى سۋ قۇبىرى, تاسىمالدى سۋدى پايدالاناتىن 7 ەلدىمەكەن جانە اۋىزسۋ كەستەمەن بەرىلەتىن 2 ەلدىمەكەننىڭ قۇرىلىسى اياقتالىپ, 25,6 مىڭ ادام ساپالى اۋىزسۋعا قول جەتكىزەدى. ناتيجەسىندە, قامتىلۋ كورسەتكىشى 98 پايىزعا وسەدى», دەپ حابارلادى قالا اكىمدىگىنىڭ ءباسپاسوز قىزمەتى.
شىمكەنت قالاسىنىڭ سولتۇستىك باتىس بولىگىندە ورنالاسقان ەلدى مەكەندەردى اۋىز سۋمەن قامتۋ ماقساتىندا جالپى ۇزىندىعى 30 شاقىرىمنان استام بولاتىن ءۇش ماگيسترالدى سۋاققىنىڭ قۇرىلىسى جۇرگىزىلىپ جاتىر.
اتالعان ماگيسترالدى سۋ قۇبىرىنىڭ قۇرىلىسى اياقتالسا اسار-2, دوستىق, سولتۇستىك ساياجاي, ىنتىماق, ىنتىماق-2, باتىس, قىزىلجار, يگىلىك, جاڭاتالاپ, تاۋەلسىزدىككە 20 جىل, كوكبۇلاق تۇرعىن الاپتارى, ياعني وندا تۇراتىن 50 مىڭعا جۋىق تۇرعىن تولىققاندى ساپالى اۋىزسۋمەن قامتاماسىز ەتىلەدى دەپ جوسپارلانۋدا.
