«1 قىركۇيەكتەن باستاپ ونلاين-ساناق باستالادى. ساناق sanaq.gov.kz سايتىندا 15 قازانعا دەيىن جالعاسادى. قالا تۇرعىندارى ورنالاسقان جەرىنە قاراماستان ۆيرتۋالدى كومەكشى ارقىلى وزدەرىنە جانە وتباسى مۇشەلەرىنە ارنالعان ساناق پاراعىن تولتىرۋى قاجەت. مىنە, وسىلاي ساناقتان وتە الادى.
ونلاين-رەجيمدە ساناقتان وتپەگەن ازاماتتاردى قامتۋ ءۇشىن ءداستۇرلى جاپپاي ارالاۋ 1 قازان مەن 30 قازان ارالىعىندا وتەدى. ساناق كەزىندە سۇحبات الۋشىلار پلانشەتتەردى پايدالانادى. الىنعان مالىمەتتەر تىكەلەي جالپى اقپارات بازاسىنا جىبەرىلەدى. ساناق سانيتارلىق نورمالاردى قاتاڭ ساقتاي وتىرىپ جۇرگىزىلەدى. ونى وتكىزۋ جۇمىسىن جاۋاپتى مەملەكەتتىك ورگاندارمەن تالقىلادىق.
قىزمەتكەرلەر مىندەتتى تۇردە ۆاكتسينا الۋى كەرەك. بۇل ولاردىڭ دا, وزگەلەردىڭ دە دەنساۋلىعىن قورعاۋعا مۇمكىندىك بەرەدى. ساناق قىزمەتكەرلەرىنىڭ جالاقىسى ەسەپتەلەتىنىن, كولىك كارتالارى بەرىلەتىنىن اتاپ وتكەن ءجون.
حالىق ساناعى بويىنشا ماڭىزدى اقپارات پيك (ميب), تقك, باسقارۋشى كومپانيالار, سوو, لەد-ەكراندار جانە باسقا دا اقپارات كوزدەرى ارقىلى جەتكىزىلەدى.
ەلىمىزدە ساناق سوڭعى رەت 2009 جىلى وتكىزىلدى. ول ماڭىزدى اناليتيكالىق مالىمەتتەردى, سونىڭ ىشىندە حالىقتىڭ ناقتى سانىن, جاسىن, گەندەرلىك قۇرامىن جانە ت.ب. الۋعا مۇمكىندىك بەرەدى», – دەپ جازدى ەلوردا اكىمى.
