تالىپتەر كابۋل اۋەجايىنا اۋعانداردىڭ كىرۋىنە شەكتەۋ قويدى

بۇعان دەيىن بۇۇ-نىڭ ادام قۇقىقتارى جونىندەگى جوعارعى كوميسسارى ميشەل باچەلەت كەڭسەسىندە «تاليبان» سودىرلارىنىڭ ورەسكەل زاڭبۇزۋشىلىقتارى تۋرالى سەنىمدى اقپارات بار ەكەنىن ايتقان بولاتىن. ول بەيبىت تۇرعىنداردى ءتيىستى سوت شەشىمىنىسىز ءولتىرۋ, نارازىلىقتاردى باسۋ جانە بالالاردى اسكەرگە الۋ تۋرالى ايتتى.

بۇعان دەيىن «تاليبان» قوزعالىسى قازىرگى «تاليبان» 20 جىل بۇرىنعىدان وزگەشە ەكەنىن ايتقان: اۋعانستاندا بيلىككە قول جەتكىزگەننەن كەيىن سودىرلار ادام قۇقىقتارىن, ونىڭ ىشىندە ايەلدەردى قورعاۋعا, ەشكىمنەن كەك الماۋعا جانە جالپى ەسەپكە الۋعا ۋادە بەرگەن ەدى.

كەيىنىرەك بۇقارالىق اقپارات قۇرالدارىندا بۇل اقپاراتقا كەرى بىرنەشە جاڭالىقتار شىقتى. مىسالى, CNN تەلەارناسى «تاليبان» وكىلدەرى اۋعانستاننىڭ سولتۇستىگىندەگى فارياب پروۆينتسياسىندا 15 سودىردى تاماقتاندىرۋدان باس تارتقانى ءۇشىن ءبىر ايەلدى ءولتىردى دەپ حابارلادى.

تالىپتەر جۇمىس ىستەيتىن ايەلدەرگە ەلدە تولىق قاۋىپسىزدىك قامتاماسىز ەتىلگەنشە ۇيدە وتىرۋعا, جۇمىسقا بارماۋعا بۇيرىق بەردى. «تاليبان» تەرروريستىك توبىنىڭ وكىلى زابيحۋللا مۋجاحيد كابۋلداعى ءباسپاسوز ءماسليحاتىندا ايەلدەردىڭ جۇمىسقا شىعۋىنا شەكتەۋ ۇزاققا سوزىلمايتىنىن ايتتى.