وبلىستىق ستاتيستيكا دەپارتامەنتتەرىنىڭ قاجەتتىلىگى ءۇشىن جالپى سوماسى 475,4 ملن. تەڭگەگە وتاندىق ءوندىرىستىڭ 138 دانا ۆاز 21214 «نيۆا» اۆتوكولىگى ساتىپ الىندى.
بۇل كولىكتەر ايماقتارداعى ساناققا بايلانىستى ءىس-شارالاردى جۇرگىزۋ ءۇشىن پايدالانىلاتىن بولادى. ونىڭ ىشىندە قاجەتتى ماتەريالداردى جەتكىزۋ, ايماقتاردى ارالاۋ, قاجەت بولعان جاعدايدا سۇحبات الۋشىلار مەن باسقالار قولداناتىن پلانشەتتەردى اۋىستىرۋ.
«ساناق اياقتالعاننان كەيىن ولاردى اۋداندىق ستاتيستيكا باسقارمالارى قىزمەتتىك ماقساتتا پايدالاناتىن بولادى. اتاپ ايتقاندا, حالىقتىڭ تۇرمىس دەڭگەيى مەن جۇمىسپەن قامتىلۋى, اۋىلشارۋاشىلىق ساناعى بويىنشا زەرتتەۋلەر تۇراقتى تۇردە جۇرگىزىلمەك. سونىمەن قاتار, اۋداندىق بولىمشەلەر پايدالاناتىن كولىكتەردىڭ 10 جىلدان استام ۋاقىت بويى جاڭارتىلماعانىن دا ايتا كەتكەن ءجون», دەپ حابارلادى ۇسب «قازاقپاراتقا» بەرگەن سۇحباتىندا.
