كەزدەسۋ بارىسىندا وڭتۇستىك افريكا رەسپۋبليكاسىنىڭ تۇڭعىش پرەزيدەنتى, نوبەل سىيلىعىنىڭ لاۋرەاتى نەلسون ماندەلانىڭ مۇراسى, ەكى ەل اراسىنداعى مادەني ىنتىماقتاستىق تۋرالى ءسوز بولدى.
اڭگىمە بارىسىندا د.قىدىرالى «ەگەمەن قازاقستان» گازەتىنىڭ تاريحىمەن تانىستىردى. ءوز كەزەگىندە نديلەكا ماندەلا جىلى قابىلداۋى مەن قوناقجايلىعى ءۇشىن ريزاشىلىعىن جەتكىزىپ, گازەت ۇجىمىنا شىعارماشىلىق تابىس تىلەدى.
سونداي-اق قازاقستانعا العاش كەلگەندەگى اسەرىمەن ءبولىسىپ, ەكى ەل اراسىنداعى ۇقساستىقتار تۋرالى ايتىپ بەردى.
نديلەكا ماندەلا – نوبەل سىيلىعىنىڭ لاۋرەاتى نەلسون ماندەلانىڭ ۇلكەن نەمەرەسى. 1965 جىلعى 22 اقپاندا كەيپتاۋن قالاسىندا دۇنيەگە كەلدى. فيلانتروپ, الەۋمەتتىك جانە گۋمانيتارلىق قايراتكەر.
بۇۇ اياسىنداعى «ماندەلا سياقتى كوشباسشىلار» اتتى حالىقارالىق باعدارلامانىڭ باسشىسى. ادامنىڭ يممۋنتاپشىلىق ۆيرۋسى ينفەكتسياسى جانە جۇقتىرىلعان يممۋنتاپشىلىعىنىڭ سيندرومى (ايۆ/جيتس), سونداي-اق تۋبەركۋلەزبەن كۇرەسۋ بويىنشا جاھاندىق قوردىڭ بىرقاتار باعدارلامالارى بويىنشا جۇمىس ىستەيدى. «Reset Global» («جاھاندى قالپىنا كەلتىرۋ») اتتى عالامدىق اسسامبلەيا شەڭبەرىندەگى كونسۋلتاتيۆتىك كەڭەستىڭ افريكانىڭ جاستارى مەن افريكاداعى دەنساۋلىق ماسەلەلەرى جونىندەگى ۋاكىلى.
نديلەكا ماندەلامەن بولعان سۇحباتتى گازەتىمىزدىڭ الداعى نومىرلەرىنىڭ بىرىنەن وقيسىزدار.
