فوتو: EPA
پولشادا جانە باسقا ەو ەلدەرىندە, ليتۆا مەن لاتۆيادا تاياۋ شىعىس پەن ازيادان قونىس اۋدارۋشىلاردىڭ كۇرت وسكەنى بايقالادى.
ەو ەلدەرى بەلارۋسكە كوپتەگەن ميگرانت كەلەتىنىن جانە ەل بيلىگى ولاردى شەكارا ارقىلى اكەتەتىنىن ايتادى.
ەۋرووداق بەلارۋستى ميگرانتتاردى سانكتسيالارعا جاۋاپ رەتىندە قولداندى دەپ ايىپتادى, مينسك مۇنى جوققا شىعاردى.
ايتا كەتەيىك, بەلورۋسكە ماۋسىم ايىندا جاپپاي نارازىلىقتى باسىپ-جانشۋ جانە Ryanair ۇشاعىن مينسكىگە ماجبۇرلەپ قوندىرۋ ارقىلى بورتىندا بولعان ديسسيدەنت ءجۋرناليستى ۇستاۋعا بايلانىستى سانكتسيا ەنگىزىلگەن بولاتىن.
دۇيسەنبىدە پولشا, ليتۆا, لاتۆيا جانە ەستونيا پرەمەر-مينيسترلەرى بۇۇ-نى كوشى-قون ماسەلەسى بويىنشا بەلارۋسپەن داۋعا ارالاسۋعا شاقىردى.ء تورت ەل بىرلەسكەن مالىمدەمەدە «ميگرانتتارعا قاتىگەزدىكپەن قاراۋ ماسەلەسى» بۇۇ قاۋىپسىزدىك كەڭەسىندە كوتەرىلۋى ءتيىس دەپ مالىمدەدى.
كەيىن پولشانىڭ قورعانىس ءمينيسترى ماريۋش بلاششاك ءوزىنىڭ تۆيتتەرىندە بەلارۋسپەن شەكارادا 2,5 مەترلىك قورشاۋ سالىناتىنىن جازدى.
«مەن جاقىن ارادا اسكەريلەردىڭ قوسىمشا تارتىلۋى تۋرالى تولىق مالىمەت بەرەمىن», دەپ جازدى بلاسچاك Twitter-دە.
قازىر 900-دەن استام سارباز پولشا مەن بەلارۋس اراسىنداعى 400 كم شەكارادا كۇزەتشىلەرگە كومەككە كەلدى. شەكارادا 150 كم تىكەنەكتى سىم توسەلگەن.
ۇكىمەت وتكەن اپتادا ءبار اي ىشىندە 1935 ادام بەلارۋستەن پولشاعا وتۋگە تىرىسقانىن حابارلادى. ونىڭ 1175-ءى كەرى قايتارىلدى, 760-ى پولشاداعى شەتەلدىك ميگرانتتار ورتالىعىنا جىبەرىلدى. وتكەن جىلى شەكارانى زاڭسىز كەسىپ وتكەن 122 ادام ۇستالدى.
پولشا, لاتۆيا جانە ليتۆا شەكارانى زاڭسىز كەسىپ وتۋگە تىرىسقان ميگرانتتاردى بوگەۋگە نەمەسە كەرى قايتارۋعا تىرىسادى.
