بۇل ۆەلومارافون تاۋەلسىزدىگىمىزدىڭ وتىز جىلدىعى مەن ىبىراي اتامىزدىڭ ايتۋلى مەرەيتويىنا ارنالدى.
ۆەلوتوپ بەس ادامنان تۇرادى. ولاردىڭ ءبارى دە اۋەسقوي ۆەلوشاباندوزدار. ماماندىقتارى دا ءارتۇرلى: مۇعالىم, جۋرناليست, زەينەتكەر. يگىلىكتى جوبانىڭ باستاماشىسى – ەرنات مەلس ۇلى, اعىلشىن ءتىلىنىڭ مامانى جانە «حابار 24» تەلەارناسىنداعى شەتەل حابارلارىنىڭ شولۋشىسى. بۇعان دەيىن ول 2018 جىلى 500 شاقىرىمدىق «استانا – اقتوعاي», 2019 جىلى 208 شاقىرىمدىق «قاراعاندى – جاڭاارقا», 2020 جىلى اباي اتامىزدىڭ 175 جىلدىعىنا ارناپ 1088 شاقىرىمعا سوزىلعان «نۇر-سۇلتان – جيدەباي» ۆەلوشەرۋىن ۇيىمداستىرعان.
مازمۇندى ساپارعا قاتىسۋشىلار ىبىراي اتامىزدىڭ ونەگەلى ءومىرى مەن باي مۇراسىن ناسيحاتتاۋعا اتسالىسۋ, سونىمەن قاتار, جۇرتشىلىق اراسىندا سالاماتتى ءومىر سالتىن ۇستانۋ جانە تابيعاتتى ايالاۋعا ۇندەۋدى ماقسات تۇتقان.
ۆەلومارافوننىڭ ۇزاقتىعى −750 شاقىرىم, ءبىر باعىتقا, ياعني «نۇر-سۇلتان − قوستانايعا» عانا جاسايدى, ساپار التى كۇنگە سوزىلادى دەپ جوبالانعان.
