بجزق-دا كەمىندە 5 جىل بولعان ەرىكتى زەينەتاقى جارنالارى ەسەبىنەن تولەمدەردى الۋ ءۇشىن سالىمشىلار enpf.kz سايتى ارقىلى ءوتىنىش بەرە الادى.
«كورسەتىلەتىن قىزمەتتەردىڭ ساپاسىن ارتتىرۋ, تۇرعىنداردىڭ ۋاقىتتارىن ۇنەمدەۋ ماقساتىندا بجزق كەمىندە بەس جىل ەرىكتى زەينەتاقى جارنالارى مەن ولارعا ەسەپتەلگەن ينۆەستيتسيالىق تابىس ەسەبىنەن قالىپتاسقان زەينەتاقى تولەمدەرىن قاشىقتىقتان – بجزق كورپوراتيۆتىك سايتىنداعى جەكە كابينەت ارقىلى تاعايىنداۋ تۋرالى ءوتىنىش بەرۋ مۇمكىندىگىن ىسكە اسىردى», دەلىنگەن حابارلامادا.
وسىلايشا, enpf.kz سايتىنداعى جەكە كابينەتتە زەينەتاقى تولەمدەرىن تاعايىنداۋ تۋرالى ءوتىنىش بەرۋ قىزمەتى ۇسىنىلادى:
- مىندەتتى زەينەتاقى جارنالارى جانە (نەمەسە) مىندەتتى كاسىپتىك زەينەتاقى جارنالارى ەسەبىنەن: مەرزىمسىز ۋاقىتقا 1 نەمەسە 2 توپتاعى مۇگەدەكتىگى بار ادامدارعا;
- ەزج ەسەبىنەن: - 50 جاسقا تولعان تۇلعالارعا; - مۇگەدەكتىگى بار ادامدارعا;
- ەزج سوماسى جانە ولارعا ەسەپتەلگەن ينۆەستيتسيالىق تابىس شەگىندە زەينەتاقى جيناقتارى بار, بجزق-دا كەمىندە بەس جىل بولعان تۇلعالارعا.
ءوتىنىش بەرۋ ءۇشىن الۋشىلاردىڭ ەلەكتروندىق تسيفرلىق قولتاڭباسى بولۋى قاجەت.
ەرىكتى زەينەتاقى جارنالارى - سالىمشىلاردىڭ نەمەسە الۋشىلاردىڭ ءوز باستاماسى بويىنشا بجزق-عا سالاتىن اقشاسى. ولاردى جەكە تۇلعالار دا, زاڭدى تۇلعالار دا ءۇشىنشى تۇلعانىڭ پايداسىنا ەنگىزە الادى. بۇل رەتتە ەزج مولشەرى مەن تولەۋ كەزەڭدىلىگىن جەكە نەمەسە زاڭدى تۇلعا دەربەس بەلگىلەيدى.
