الاياق جوعارى وقۋ ورنىنا تۇسۋگە كومەكتەسۋ ءۇشىن اقشا الىپ, قاشىپ كەتكەن. پوليتسەيلەردىڭ حابارلاۋىنشا, وقيعا تامىز ايىندا بولعان. ول تۇرعىننان 42 500 تەڭگە العان. الايدا, ۋادەسىندە تۇرماعان. بەلگىلى بولعانداي ايەل وتكەن جىلى دا وسىنداي ارەكەتكە بارعان.
2020 جىلدىڭ شىلدە ايىندا جوو-عا تۇسۋگە كومەك كورسەتۋ ءۇشىن اۋىل تۇرعىنىنان 152 مىڭ تەڭگە العان. قۇدىكتى كەلىنشەك كىناسىن مويىندادى.
«اتالعان فاكتى بويىنشا قىلمىستىق كودەكستىڭ 190-بابى 3-بولىگى 4-تارماعى (الاياقتىق) بويىنشا سوتقا دەيىنگى تەرگەۋ باستالدى. وزگە اقپارات تەرگەۋ مۇددەسىنە بايلانىستى جاريالانبايدى», دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
