ايماقتار • 23 تامىز، 2021

ۇلت كوسەمى رۋحتاندىرىپ تۇر

92 رەت كورسەتىلدى

سەمەيدەگى شاكارىم داڭعىلى بويىنداعى توعىز قاباتتى ءۇيدىڭ قابىرعاسىنا الاش وردا كوسە­مىنىڭ پورترەتى جازىلدى. مەنمۇندالاعان مۋرال­داعى ءاليحان بەينەسى «ۇلتقا قىزمەت ەتۋ – بىلىم­نەن ەمەس، مىنەزدەن» دەپ سەمەيلىك باسشىلاردىڭ رۋحىن جانىپ تۇرعانداي كورىندى. ءيا-ءيا، ءدال سولاي.

توبەمىزدەن نامىستى جا­نىپ، الاش وردا كو­سەمى قا­راپ تۇرعاندا، ورتالىقتاعى مو­روزوۆ، تەرەشش­كوۆ، فرۋنزە، ششورس، كراسنوگۆاردەيسكي سە­كىلدى يدەولوگيالىق تۇرعىدا ەسكىرىپ كەتكەن كوشە اتاۋلارى دا اۋىستىرىلۋى ءتيىس. سەمەيدىڭ سىرت جاعىنداعى شولاق كو­شەدەگى ءاليحاننىڭ ەسىمى ورتا­لىق كوشەلەردىڭ بىرىنە بەرىلسە، اباي ەلى الاقايلاپ ءسۇيىنشى سۇراسار ەدى. الدىڭعى جىلدارى ورتالىق الاڭعا تۇلعا ءمۇسىنى قويىلعاندا، ولگەنىمىز ءتىرىلىپ، وشكەنىمىز جانعانداي قۋانعان ەدىك.

بيىل تاۋەلسىزدىكتىڭ 30 جىلدىعىنا جانە الاش كوسەمى ءاليحان بوكەيحاننىڭ تۋعانىنا 155 جىل تولۋىنا وراي الىپ پورترەتىن قازاق يننوۆاتسيالىق زاڭ ۋنيۆەرسيتەتىنىڭ ۇجىمى قالاعا سىيعا تارتتى. وقۋ ورنى باسشىلىعىنىڭ ايتۋىنشا، ەكى-ءۇش اي دايىندالىپ، ەكى اپتا ىشىندە كوركەم مۋرال شاكارىم داڭعىلى، 15 ءۇيدىڭ قابىرعاسىنا جازىلدى. مۋرالدى Erudit Group كومپانياسىنىڭ تاپسىرىسىمەن كاسىبي سۋرەتشى الەكساندر رومانوۆ سالىپ شىقتى.

– وقۋ ورىن ۇجىمىنا ريزامىن. مۋرال سالىنعان اۋلانى اباتتاندىرۋعا دا زور ۇلەستەرىن قوستى. ال ءاليحاننىڭ بۇل سۋرەتى اۋلاعا عانا ەمەس، قالاعا كورىك بەرىپ تۇرادى دەگەن سەنىمدەمىن. ەكىنشى جاعىنان ءوسىپ كەلە جاتقان ۇرپاق بابالارىنىڭ كىم ەكەنىن ءبىلىپ وسەدى، – دەيدى پورترەتتىڭ اۆتورى ا. رومانوۆ. ايتقانداي، ۋنيۆەرسيتەت ۇجىمىنىڭ ۇيىتقى بولۋىمەن شاكارىم داڭعىلى، 15 ءۇيدىڭ اۋلاسى دا اباتتاندىرىلدى. تاعى ءبىر ءسۇيىنشىلى جاڭالىق، جۋىقتا ۋنيۆەرسيتەتكە ءاليحان بوكەيحاننىڭ ەسىمى بەرىلۋى مۇمكىن.

 

سەمەي

 

سوڭعى جاڭالىقتار

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

دوللار ارزاندادى

قارجى • كەشە

ۇقساس جاڭالىقتار