تالىبتەر ەلدىڭ بۇرىنعى سىرتقى ساياسات ۆەدومستۆوسىنىڭ باسشىسىمەن بايلانىسقا شىعىپ, اڭگىمە بارىسىندا اتمار ەلگە ورالۋعا نيەتتى ەكەنىن مالىمدەدى. قوزعالىس وكىلى سودىرلار اۋعانستان بيلىگىنىڭ كەيبىر بۇرىنعى شەنەۋنىكتەرىمەن وكىلدى ۇكىمەتتى قۇرۋ ماقساتىندا ولاردىڭ ەلگە ورالۋى تۋرالى كەلىسسوزدەر جۇرگىزىپ جاتقانىن ايتتى.
17 تامىزدا «تاليبان» بۇرىنعى ۇكىمەت شەنەۋنىكتەرىنە جالپى راقىمشىلىق جاريالاپ, ولاردى مەملەكەتتىك مەكەمەلەردە جۇمىسىن قايتا باستاۋعا شاقىردى. سونىمەن بىرگە, اۋعانستاننىڭ بۇرىنعى بيلىگىنىڭ كەيبىر جوعارى لاۋازىمدى وكىلدەرىن تاليبان جاقتاستارى ۇستاعانى بەلگىلى بولدى.
15 تامىزدا تاليبان اۋعانستان تولىعىمەن ولاردىڭ باقىلاۋىندا ەكەنىن مالىمدەدى. بۇل كابۋلدى باسىپ العاننان كەيىن بولدى. سودىرلار بىرنەشە اپتا ىشىندە ەلدىڭ كوپ بولىگىن جانە بارلىق ءىرى قالالاردى باعىندىردى.
سول كۇنى ەل پرەزيدەنتى اشراف عاني اۋعانستاننان كەتىپ, مەملەكەت باسشىلىعى ۋاقىتشا كەڭەسكە ءوتتى. ول بيلىكتى «تاليبانعا» بەرۋگە ءماجبۇر بولادى.
