بۇگىن س.سەيفۋللين اتىنداعى قاتۋ-دىڭ ديرەكتورلار كەڭەسىنىڭ وتىرىسىن وتكىزدىم. كەڭەستىڭ شەشىمىمەن العاش رەت عالىمداردىڭ ەڭبەگى ارقىلى قول جەتكىزىلگەن بارلىق پايدا باسقارۋشىلىق قۇرىلىمدى قارجىلاندىرۋعا ەمەس, عىلىمي ينستيتۋتتاردىڭ وزدەرىن دامىتۋعا جۇمسالاتىن بولدى دەپ جازدى سەناتور ءوزىنىڭ پاراقشاسىندا.
ناقتىراق ايتقاندا, ينستيتۋت كىرىسى سول ينستيتۋتتى دامىتۋعا جۇمسالادى.
ناقتىراق ايتساق, «2020 جىلعى جۇمىس قورىتىندىسى بويىنشا ا.باراەۆ اتىنداعى استىق شارۋاشىلىعى عىلىمي-وندىرىستىك ورتالىعىنىڭ 51, 907 ملن تەڭگە كولەمىندەگى, ء«ا.بوكەيحان اتىنداعى قازاق ورمان شارۋاشىلىعى جانە اگرو-ورمان مەليوراتسيا عىلىمي-زەرتتەۋ ينستيتۋتى» جشس-ءنىڭ 27, 403 ملن تەڭگە سوماسىنداعى جانە «سولتۇستىك قازاقستان اۋىل شارۋاشىلىعى تاجىريبە ستانتسياسى» جشس-ءنىڭ 187, 406 ملن تەڭگە تازا كىرىستەرى ولاردىڭ يەلىگىندە, وزدەرىن دامىتۋ ماقساتتارىنا قالدىرىلسىن» دەگەن شەشىم شىعارىلدى, دەدى اقىلبەك كۇرىشباەۆ.
