الەم • 20 تامىز، 2021

تالىبتەر ءۇندىستاننىڭ ەكى كونسۋلدىعىنا ءتىنتۋ جۇرگىزدى

211 رەت كورسەتىلدى

«تاليبان» قوزعالىسىنىڭ مۇشەلەرى ءۇندىستاننىڭ كانداگار جانە گەرات قالالارىنداعى كونسۋلدىقتارىندا ءتىنتۋ جۇرگىزدى، دەپ حابارلايدى Egemen.kz NDTV ارناسىنا سىلتەمە جاساپ.

سارسەنبىدە «تاليبان» اۋعانستاننىڭ كانداگار جانە گەرات قالالارىنداعى ءۇندىستاننىڭ جابىق كونسۋلدىقتارىنا بارىپ، قۇجاتتار ىزدەۋدە ءتىنتۋ جۇرگىزدى.

رەيدتەن كەيىن سودىرلار ەكى ديپلوماتيالىق وكىلدىكتەن تۇراقتالعان كولىكتەردىڭ ءبىر بولىگىن الىپ كەتتى. اۋعانستانداعى باسقا ءۇندى مەكەمەلەرى تۋرالى اقپارات جوق.

«كابۋلداعى ەلشىلىكتەن باسقا،  كانداگار، گەرات، مازاري-شاريف جانە جەلالابادتا ۇندىستاننىڭ كونسۋلدىقتارى بار. تاليبان بۇل قالالاردى ءوز باقىلاۋىنا العانعا دەيىن بىرنەشە كۇن بۇرىن ءوز قىزمەتكەرلەرىن وتانىنا ەۆاكۋاتسيالاعاننان كەيىن مەكەمەلەر جابىلدى. قازىرگى ۋاقىتتا كابۋلداعى ءۇندىستان ەلشىلىگى رەسمي تۇردە اشىق. ديپلوماتتاردى وتانىنا جىبەرگەننەن كەيىن وندا اۋعان ازاماتتارىنىڭ قىزمەتكەرلەرى جۇمىس ىستەيدى»، دەپ حابارلادى تاسس.

BBC حابارلاعانداي، ەلدەگى بيلىكتى باسىپ العاننان كەيىن، تالىبتەر ناتو كۇشتەرىنە نەمەسە بۇرىنعى اۋعانستان ۇكىمەتىنە جۇمىس ىستەگەن اۋعاندىقتاردى انىقتاۋعا تىرىسىپ، ەلدىڭ استاناسىندا ءتىنتۋ جۇرگىزۋدى باستادى.

«قازىرگى ۋاقىتتا «تاليبان» كوپتەگەن ادامداردى قۋدالاۋدا»، دەدى سپيكەرلەر توبىن باسقاراتىن كريستيان نەللەمانن.

ول تالىبتەردىڭ قارا تىزىمىنە ەنگەن كەز كەلگەن ادامعا ۇلكەن قاۋىپ ءتونىپ تۇرعانىن جانە ەلدە جاپپاي ءولىم بولۋى مۇمكىن ەكەنىن ەسكەرتتى.

سوڭعى جاڭالىقتار

ۇقساس جاڭالىقتار